Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Pentaqon: Rusiya NATO üçün təhdiddir
Pentaqon

“Rusiya NATO müttəfiqləri üçün təhlükə yaradır”.

APA-nın TASS-a istinadən verdiyi xəbərə görə, bu barədə Pentaqonun yüksək səviyyəli rəsmisi mətbuat brifinqində deyib.

Onun sözlərinə görə, müdafiə naziri Lloyd Ostinin rəhbərlik etdiyi ABŞ nümayəndə heyəti NATO müdafiə nazirlərinin virtual formatda keçiriləcək iclasında iştirak edəcək və bu iclasda ABŞ Rusiya məsələsini qaldırmağa hazırlaşır.

“Rusiyanın ABŞ da daxil olmaqla, bütün NATO müttəfiqləri üçün bir təhdid olduğu açıq şəkildə ortadadır. Onlar məqsədlərinə çatmaq üçün hərbi gücdən istifadə edirlər”, - deyə Pentaqon rəsmisi bildirib.

O vurğulayıb ki, ABŞ Rusiyanın dəfələrlə təhlükəsizliyi və sabitliyi pozmağa çalışdığına dair nümunələrin şahidi olub: “Bütün bunlara baxmayaraq, Vaşinqton qarşılıqlı maraq doğuran sahələrdə Rusiya ilə əməkdaşlıq edə bilər. Biz öz maraqlarımızı inkişaf etdirmək üçün Rusiya ilə çalışacağıq, lakin təcavüzkar hərəkətlərinə görə onları məsul hesab edəcəyik. Beləliklə, bu məsələləri bu həftə müttəfiqlərimizlə müzakirə etməyi səbirsizliklə gözləyirik”.

Pentaqon rəsmisi ABŞ-ın NATO müdafiə nazirlərinin iştirak edəcəyi videokonfransda Çinlə bağlı məsələnin də müzakirə olunacağının planlaşdırıldığını qeyd edib.

Xatırladaq ki, fevralın 17-18-də NATO-ya üzv ölkələrin müdafiə nazirlərinin iştirakı ilə videokonfrans keçiriləcək.

Paylaş »
››› Rusiyada azərbaycanlı gənc ermənini üzr istəməyə məcbur etdi - Foto
››› Qasparyan: “Bakı-Tbilisi-Ceyhan”ı raketlə vurmaq istədim, Paşinyan qoymadı”
››› “İskəndər” partlaması: Ordu Paşinyana qarşı qiyama qalxdı - Kreml nə etmək istəyir...
››› Nostradamus mayın 10-na hansı hadisələri proqnoz edib – Tədqiqatçı açıqladı
››› “Hazırda Dağlıq Qarabağda “əsəb çəkişməsi” yaşanır”
››› Ermənistanda dövlət çevrilişinə cəhd: Paşinyanın da tərəfdarları paytaxta toplaşır
››› “Məmur korpusunda irimiqyaslı təmizləmə əməliyyatı olacaq”
Son xəbərlər
Bütün xəbərlər »