Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Nazir: "IX sinifdən sonra təhsilini davam etdirməyən xeyli gənc var"
Emin Əmrullayev

“Bacarıqlar və səriştələr növbəti illərdə iqtisadiyyatımızın dayanıqlı və rəqabətyönümlü inkişafını təmin edən məsələlərdən olmalıdır. Bu istiqamətdə bir çox işlər həyata həyata keçirilir. Xüsusi məsələ peşə təhsilinin daha çox əlçatan olmasıdır, bu istiqamətdə hələ də çox işlər var”.

Bunu “Gələcək üçün peşə təhsili və təlimi: Azərbaycanda qabaqcıl Peşə Təhsili Mərkəzlərinin yaradılmasına dəstək” layihəsinin təqdimatında Təhsil naziri Emin Əmrullayev bildirib. Onun sözlərinə görə, Azərbaycanda IX sinfi bitirdikdən sonra təhsilini davam etdirməyən və ya müəyyən ixtisasa yiyələnməyən xeyli sayda gənc var: "Bu istiqamətdə peşə təhsilinin əhatəliliyinin və əlçatanlığının artırılması çox böyük fürsətdir. Son illərdə bu istiqamətdə böyük işlər görülür. Hazırda peşə təhsilinə qəbul prosesi elektron formatda aparılır. İldən-ildən peşə təhsilinə qəbul olan tələbələrin sayı daha da artmaqdadır. Bu tədris ilində ötən ilə nisbətən 27 faiz çox tələbəni peşə təhsilinə qəbul etmişik. Gənclərin peşə təhsilinə qatılması onların gələcəkdə iqtisadi vəziyyətinə, gəlirlərinə, rifahına müsbət təsdir edən amillərdən biridir”.

Nazir qeyd edib ki, infrastrukturun hər yerdə eyni olmamasını nəzərə alaraq Azərbaycanın 35 ümumtəhsil müəssisəsinin nəzdində peşə siniflərinin yaradılması üzərində iki ilə yaxındır iş aparılır: “Hər bir məktəbdə artıq 2 sinif formalaşıb, hər sinifdə 20-24 şagird təhsil alır. Bu layihənin əhatəliliyinin artırılmasını istəyirik. Yaxın gələcəkdə belə məktəblərin sayının daha da artırılmasını istəyirik".

Qeyd edək ki, 5,6 milyon avro dəyərində olan layihə tam olaraq Avropa İttifaqı tərəfindən maliyyəşdirilir. BMT-nin İnkişaf Proqramının Peşə təhsili üzrə Dövlət Agentliyi ilə birgə həyata keçirdiyi dörd illik layihənin məqsədi əmək bazarının mövcud ehtiyaclarına uyğun peşə təhsili müəssisələrini müasirləşdirmək və Azərbaycan gəncliyini gələcəyin peşələrinə hazırlamaqdır.(apa)

Paylaş »
››› Yeni karantin “müjdəsi” - anlaşılmayan qərarlar
››› Ermənistan ordusunun polkovniki müharibə haqda sensasion məlumatlar açıqladı
››› Türkiyə həkimi Elmar Vəliyevin anlaqlı olmadığını təsdiqlədi
››› Mübariz Mənsimovun bacısı: “Çörəyini yeyib ona pislik edənlər oldu... İndi çox sevinirəm"
››› “Əvvəl İsraildə səfirliyimizin açılmasına İran mane olurdu, indi isə…” – Sabiq XİN rəhbəri
››› Yaşı 5-dən çox olan avtomobillərin idxalı dayandırılır: "Təbii ki, qiymətlər artacaq" 
››› Mübariz Mənsimov: "Mən sadəcə, dövlətə, şəhid ailələrinə, tələbələrə yardım etmişəm"
Son xəbərlər
Bütün xəbərlər »