Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Vendi Morton: "Britaniya ilə Azərbaycan arasında güclü əlaqələr mövcuddur"
Britaniya

"Birləşmiş Krallıq ilə Azərbaycan xalqları, mədəniyyətləri və təhsili arasında güclü əlaqələr mövcuddur".

"Report"un məlumatına görə bunu Azərbaycanda səfərdə olan Böyük Britaniyanın Avropa qonşuluğu üzrə dövlət naziri Vendi Morton mətbuata açıqlamasında deyib.

"Azərbaycanın zəngin mədəni irsini burada Uels Şahzadəsinin Ənənəvi İncəsənət Məktəbində şəxsən görməkdən məmnunam. Bir az əvvəl qadınları və qızları məişət zorakılığından qorumaq üçün əhəmiyyətli işlər görən qadın sığınacağına səfər etdim. Bundan əlavə, gender bərabərliyini təşviq etmək üçün mühüm işlər görən azərbaycanlı qadın liderlərlə də görüşmək imkanım oldu. Dövlət naziri kimi, bu sahədə Azərbaycan hökuməti ilə sıx əməkdaşlıq edəcəyəm", - o bildirib.

V.Morton vurğulayıb ki, güclü və uzunmüddətli sülhün qurulmasında qadınlar mühüm rol oynaya bilər: "Qadınlar danışıqlar masasında olduğu hallarda, sülh razılaşmasının həyata keçirilməsi və davamlı olması ehtimalı daha yüksəkdir. Silahlı qarşıdurma hər zaman qadınlar və qızlar üzərində mütənasib təsir göstərir və bu səbəbdən də Azərbaycan hökumətinin Qadınlar, Sülh və Təhlükəsizlik üzrə Milli Fəaliyyət Planını qəbul etməsi xüsusi əhəmiyyət daşıyır. Birləşmiş Krallıq qadın və qızların hüquqlarını və gender bərabərliyini təşviq edən qabaqcıl ölkələrdən biridir və biz xüsusilə Azərbaycanı qadınları məişət zorakılığından qoruyacaq İstanbul Konvensiyasını imzalamağa təşviq edirik".

Paylaş »
››› "Paşinyan gücünü göstərdi və hakimiyyətdə qaldı"
››› İlham Əliyev iranlı jurnalistə irad bildirdi
››› Hərbiçilərin maaşları ilə bağlı açıqlama nəyi nəzərdə tutur...
››› Ermənistan niyə silahlanır … - “Daim ayıq-sayıq olmalıyıq”
››› "Ermənistanda ideal fırtına şəraiti yaranıb"
››› Paşinyanın “İskəndər”lə bağlı açıqlamasına Rusiyadan reaksiya
››› Ermənistanın Prezident Aparatı: Armen Sarkisyana təzyiqlər olunur
Son xəbərlər
Bütün xəbərlər »