İranda ötən sutka ərzində 57 nəfər koronavirusdan (COVID-19) ölüb.

APA-nın məlumatına görə, bunu İranın Səhiyyə, Müalicə və Tibbi Təhsil Nazirliyinin sözçüsü Sima Sadat Lari deyib.

S.Sadat Larinin sözlərinə görə, bununla da İranda bu virusdan ölənlərin sayı 58469 nəfərə yüksəlib.

Nazirlik rəsmisi deyib ki, İranda ötən 24 saat ərzində 7065 nəfər koronavirusa yoluxub. Beləliklə İranda bu virusa yoluxanların sayı 1 466435 nəfərə çatıb. Virus daşıyıcılarından 3789 nəfərin vəziyyəti ağır qiymətləndirilir.

Sadat Lari qeyd edib ki, İranda indiyədək 1 353554 nəfər koronavirusdan sağalıb.