Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
“Əsgərimizə kömək olmağı özünün vicdani və milli borcu bildik” – Xeyriyyəçi
Tural Zeynalov

Döyüş əməliyyatları gedən zaman və bitdikdən sonra orduya dəstək işində ön sıralarda olanlardan biri də “Şəmkir Xeyriyyəçilər Birliyi” olub. Birliyin qurucularından və əsas fəallarından biri də Tural Zeynalovdur. Döyüş əməliyyatları gedən müxtəlif cəbhələrə dəstək işində onun böyük xidmətləri olub.

Tural Zeynalov Bizimyol.info-ya bildirib ki, gecə-gündüz demədən əsgərimizə kömək olmağı özünün vicdani və milli borcu bilib.

“Şəmkir Xeyriyyəçilər Birliyi”ni biz bir neçə qardaşla birlikdə yaratmışıq. Hardasa 2 il 5aydır ki, birliyimiz fəaliyyət göstərir. Hər ay 200 ailəyə 70 manatlıq ərzaq paylayırıq. Əlavə olaraq müharibə başlayan gündən biz Tovuzun Ağdam kəndində camaatın qapısında işləyirdik ki, orada yaşayan əhali çıxıb getməsin, əsgərlərimiz yuxarıda özlərini yaxşı hiss etsinlər. Axırıncı gördüyümüz iş isə Kəlbəcərdə oldu. "Vətənə dəstək"aksiyamız çərçivəsində Kəlbəcər şəhərində hərbi xidmətdə olan qardaşlarımıza dəstək üçün Şəmkirli xeyirxah insanlar tərəfindən erməni vandallarının uçurub dağıtdığı binanın dam örtüyünü təmir etdik. 1 həftə orada qaldıq və 1560 kvm sahəsi olan anbar və kazarmanın damını təmir etdik”.

Birliyin xeyriyyə işləri müharibə bitdikdən sonra da davam etməkdədir. Belə ki, Şəmkir rayonunda təsis edilən “Düyərli Xeyriyyə Fondu”nun üzvləri “Şəmkir Xeyriyyəçilər Birliyi” ilə birgə əsirlikdən qayıdan Amin Musayevi də ziyarət ediblər.

Sözügedən fondun üzvləri Ağstafa rayonuna gedərək A.Musayevin evində ona baş çəkib, qurban kəsib, səhhəti, eləcə də cari problemləri ilə maraqlanıblar.

Tural Zeynalov bildirib ki, bu biriliyin yaranmasına şərait yaradan dövlət başçısı cənab İlham Əliyevə minnətdarlığını bildirir.

Leyla Mirzə

Paylaş »
››› Prezidentin "məcbur edəcəyik" deməsi Ermənistanı çaşdırıb - Açıqlama
››› Feministlər Bakının mərkəzində aksiya keçirməyə cəhd etdi – Video
››› Vaksin varsa, sərt karantin niyə var?
››› Kişinin kişi olduğu yerdə qadın üçün hər gün bayramdır
››› İnfarkt keçirən Türkiyənin məşhur aktyoru vəfat etdi
››› Azərbaycanda son sutkada koronavirusa yoluxanların sayı açıqlandı
››› Sarkisyan: “Paşinyan Azərbaycandan icazəsiz Qarabağa gedə bilməz”
Son xəbərlər
Bütün xəbərlər »