Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
"Əliyev Şuşaya gedir, Paşinyan isə Xankəndiyə getməkdən çəkinir"
İlham Əliyev, Nikol Paşinyan

Ermənistan parlamentinin növbədənkənar iclası heç də sakit keçmir. Yetərincə sərt çıxış edənlər var. “İşıqlı Ermənistan” partiyasından Taron Simonyan da həmin sıradadır. Müxalifətçi hakimiyyətin, o cümlədən baş nazir Nikol Paşinyanın ünvanına kəskin ifadələr işlədib.

Bizimyol.info xəbər verir ki, Simonyan diqqəti bölgədə baş verənlərə çəkib. O, Paşinyan hakimiyyətini səriştəsiz addımlarda qınayıb.

“Belə təəssürat yaranır ki, sentyabrın 27-nə qədər məhz Ermənistan bölgədə iqtisadi, ticari əməkdaşlığa, inkişafa əngəl olurmuş. İndi mənim bir çox həmkarlarım, bu zalda olanlar da hesab edir ki, hər şey bitib, daha sülh, bölgədə yeni təhlükəsizlik sistemi, ticarət, iqtisadi əlaqələrin inkişafı haqda danışmaq olar. Halbuki Azərbaycan hələ də əməliyyatları davam etdirir”.

Ümumiyyətlə, Simonyan Azərbaycan, bizim ölkə hakimiyyəti barədə də sərt danışıb. Onun çıxışından belə qənaətə gəlmək olar ki, deputat məğlub olduqları qonşuya güvənməməyi tövsiyə edir.

“Gəlin indi onu müzakirə edək ki, Azərbaycanla necə ticarət əlaqələri quracağıq, yolları necə açacağıq. İrəli sürülən siyasətdə heç bir milli təəssübkeşlik görmürəm. Əməliyyatlardan sonra Ermənistan hökumətindən yalnız bir nümayəndə Qarabağda olub. Azərbaycan prezidenti Şuşaya gedir, Paşinyan isə Xankəndiyə səfərdən çəkinir. Bu müddətdə Ermənistan hökumətinin maliyyə dəstəyi ilə Qarabağda bir ev də inşa edilməyib”.

Taron Simonyanı narahat edən əsas məsələlərdən biri odur ki, Ermənistan hökuməti Qarabağda itirilən ərazilərin geri qaytarılması haqda danışmır. Müxalifətçi həmişə mətbuatda döyüşkən ovqatın yoxa çıxmasından gileylənir. Onun parlamentdəki çıxışı da bu əhvaldan uzağa getməyib.

Ermənistan parlamenti Ermənistan parlamenti

Parlamentin iclası sona qədər gərgin keçib. Məhkəmə kodeksinə düzəlişlər qəbul olunub. Amma bu dəyişiklik cəmiyyətdə birmənalı qarşılanmır. Belə addımlar hakimiyyətin alternativ fikri boğmaq planı kimi qiymətləndirilir. Simonyan “Panorama”ya deyib ki, hakimiyyətin bu qədər problem fonunda Məhkəmə kodeksinə dəyişiklik sevdasında olması təəccüb doğurur. “İşıqlı Ermənistan” partiyasının nümayəndəsi Ermənistan hökumətinin səmimi davranmadığını düşünür.

Paylaş »
››› Yeni karantin “müjdəsi” - anlaşılmayan qərarlar
››› Ermənistan ordusunun polkovniki müharibə haqda sensasion məlumatlar açıqladı
››› Türkiyə həkimi Elmar Vəliyevin anlaqlı olmadığını təsdiqlədi
››› Mübariz Mənsimovun bacısı: “Çörəyini yeyib ona pislik edənlər oldu... İndi çox sevinirəm"
››› “Əvvəl İsraildə səfirliyimizin açılmasına İran mane olurdu, indi isə…” – Sabiq XİN rəhbəri
››› Yaşı 5-dən çox olan avtomobillərin idxalı dayandırılır: "Təbii ki, qiymətlər artacaq" 
››› Mübariz Mənsimov: "Mən sadəcə, dövlətə, şəhid ailələrinə, tələbələrə yardım etmişəm"
Son xəbərlər
Bütün xəbərlər »