Bizimyol.info qoroskop həvəskarlarına 30 yanvar, 2021-ci il tarixi üçün ulduz falını təqdim edir:

Gün yaxşı əhvalda başlayacaq. Yaxşılığa doğru əhəmiyyətli dəyişikliklər, düzgün qərarlar verməyə kömək edəcək uğurlu təsadüflər, hadisələr və görüşlər olacaq. Yeni işlərə başlaya bilərsiniz, ilk uğurları tez bir zamanda əldə edə biləcəksiniz. Maraqlı tanışlıqlar, həyatınızda mühüm rol oynayacaq insanlarla görüşlər baş tutacaq.

Qoç bürcü

Qoç - Xeyirli-uğurlu gündür, müsbət tendensiyaların təsirini güclü şəkildə hiss edəcəksiniz. Təşəbbüskar olmağınız yaxşıdır: Hərəkətə keçin və yaxşılığa doğru çox şeyi dəyişə bilərsiniz.

Planlaşdırılmamış səyahətlər mümkündür. Çox vaxt alsa da, yaxşı təsir edəcək. Evdən uzaqda yaxşı sövdələşmələr bağlamaq şanısınız olacaq. Pula gəlincə, intuisiyanız yaxşı kömək edəcək.

Buğa bürcü

Buğa - Xırda şeylərə görə özünüzdən çıxmağa dəyməz. İnanın, gün əvvəlcədən göründüyü qədər də pis keçməyəcək. Günün ilk yarısında ortaya çıxan problemlər o qədər də çətin olmayacaq; qısa zamanda öhdəsindən gələcəksiniz.

Çox xoş tanışlıqlar gününüzə rəng verəcək. Bunlardan biri romantik münasibətə çevrilərək uzun müddət davam edə bilər. İnsanlarla düzgün davranış yolunu asanlıqla tapacaqsınız.

Əkizlər bürcü

Əkizlər - Həmfikirləri və müttəfiqləri tapmaq üçün uğurlu gündür, əməkdaşlıqların başlanğıcı ola bilər. İnsanlarla cəld şəkildə münasibət quracaqsınız, fikirlərinizlə onları maraqlandıracaqsınız, yeni planlarla ovsunlaya bilərsiniz.

Planlaşdırılmamış xərclər ortaya çıxa bilər. Pul məsələsində bir qədər bədxərcsiniz, bəzən düşünmədən xərcləyirsiniz. Bu, ciddi problemlərə yol açmayacaq, amma yenə də bir az qənaətcil olsanız, peşman olmazsınız.

Xərçəng bürcü

Xərçəng - Bu gün sizin üçün ən vacib vəzifə vəziyyəti real qiymətləndirməkdir. İllüziyalardan və boş xəyallardan çəkinmək lazımdır. Öz gücünüzlə çox şey edə bilərsiniz, amma xəyallara qapılmaq əvəzinə hərəkət etməlisiniz.

Maraqlı tapşırıqlar olacaq, yeni işlər sizi ovsunlayacaq. Günortadan sonra bəzi faydalı məlumatlar əldə etmək və ya yaxın zamanda lazımlı bir şey öyrənmək fürsəti olacaq.

Şir bürcü

Şir - O qədər də zəngin bir gün olmayacaq. Amma yaxşı nəticələr istisna deyil. Əvvəllər yarımçıq buraxdığınız problemləri həll edə bilərsiniz. İrəli getməyinizə mane olan səbəbləri başa düşəcəksiniz, maneələri adlamağın uğurlu yollarını tapacaqsınız.

Bəzi ailə problemlərini həll etmək, yaxınlarınıza yardım əlinizi uzatmaq üçün imkanınız olacaq; çətin vəziyyətdə qalanları dəstəkləmək üçün əlinizdən gələni edəcəksiniz. İnsanlar yaxşılıqlarınızı unutmayacaqlar.

Qız bürcü

Qız - Uğur qazanmaq üçün çox işləmək lazım gələcək. Bu gün müxtəlif xarakterli insanlarla qarşılaşacaqsınız. Ən gözlənilməz yerlərdə yeni dostlar və həmfikir insanlar tapa bilərsiniz.

Pulla bağlı qərarlar verməyə vaxt ayırın - düzgün nəticə çıxarmaq üçün daha çox məlumat toplamalısınız. Müqavilə öhdəlikləri götürməzdən və ya vacib sənədləri imzalamadan əvvəl diqqətlə oxuyun.

Tərəzi bürcü

Tərəzi - Gün xoş xəbərlər və ürəkaçan görüşlər gətirəcək. Maraqlı təsadüflər düzgün seçim etməyinizə kömək edəcək. Əvvəllər edilmiş bəzi səhvləri düzəltmə fürsətinizin olması mümkündür.

Günortadan sonra qeyri-rəsmi atmosferdə görüşlər, yaxınlarınızla ünsiyyət yaxşı keçəcək. Müzakirə mövzularınız çox olacaq. İnsanların səmimiyyətini düzgün qiymətləndirəcəksiniz.

Əqrəb bürcü

Əqrəb - Nəyə nail olmaq istədiyinizi və bunu necə edə biləcəyinizi başa düşəcəksiniz. İnadkarlıq çətinliklərin öhdəsindən gəlməyə və maneələri aşmağa kömək edəcək. Çətin anlarda dost-tanış yardım edəcək. Ona görə də təkbaşına hərəkət etmək lazım deyil, ətrafdakıların köməyindən imtina etməyin.

Bəlkə də biznes və peşəkar mövqeyinizi möhkəmləndirməyə imkan verən məhsuldar və xoş bir işbirliyinin başlanğıcı ola bilər. İşgüzar əlaqələr zamanla qeyri-rəsmi, romantik hala gələ bilər.

Oxatan bürcü

Oxatan - İşgüzar sahədə təşəbbüs göstərmək üçün əlverişli bir gündür. Yaxşı ideyalarınız olacaq və əlaqələr o ideyaları gerçəkləşdirməyə kömək edəcək.

Günün birinci yarısı ünsiyyət və planların müzakirəsi üçün çox yaxşıdır. İkinci hissədə müstəqil hərəkətlər zamanıdır. Bəzi köhnə problemləri aradan qaldırmaq imkanınız olacaq.

Oğlaq bürcü

Oğlaq - Bəzi qarmaqarışıq işlərin öhdəsindən gəlmək, həllinə can atdığınız problemlər üçün həll yolları tapmaq baxımından fürsətlər olacaq. Qazandığınız təcrübə səmərəli fəaliyyətiniz üçün işə yarayacaq.

Dost-tanış sizə dəstək olmağa həvəs göstərəcəklər. Yaxınlarınızla ürəkaçan ünsiyyət imkanınız yaranacaq. Sizi mükəmməl səviyyədə başa düşəcəklər. Romantik anlar da istisna deyil.

Dolça bürcü

Dolça - Narahatlıq üçün hər hansı səbəb olmayacaq. Yaxşı bir gün yaşayacaqsınız. Köhnə planları həyata keçirmək imkanı yaranacaq. Yaradıcılıq sahəsində çalışan Dolçalar vacib uğurlara imza atacaqlar.

Ətrafdakı insanlarla ünsiyyət sevinc gətirəcək, Mübahisələr və umu-küsülər gözlənilmir. Vacib işləri birlikdə müzakirə edə bilərsiniz. Bunu konstruktiv şəkildə, ittihamlar olmadan reallaşdırmaq asan olacaq. Heç kim bir-birində günah axtarmayacaq, əksinə, bütün mövzularda yekdillik hakim olacaq.

Balıq bürcü

Balıq - Gün ərzində müxtəlif əngəllərlə üzləşə bilərsiniz. Diqqətli olmaq lazımdır; səfeh addımlar tez-tez çətinliklərə səbəb olur. İndi öz sağlam düşüncənizlə əl-ələ verib irəliyə gedin. Başqalarının sizə ağıl verməsinə imkan verməyin - qulaq asın, amma əməl etməyin. Öz təcrübəniz özünüzə yetər.

Münasibətlərinizdə aydınlıq vacibdir. Hər cür insan sizə yaxınlaşa bilər, amma hər kəsə etibar etmək olmaz. Unutmayın, vədlərin hamısını ciddi qəbul etməyin axırı yaxşı olmur. Təəssüf ki, burada intuisiya bəzən Balıqları aldadır. Bürcün nümayəndələri bəzən istəkli düşünürlər, xəyallar qurular, amma sonra açıq-aşkar işdən soyuyurlar.