Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
“Ərdoğan Parisdən 3 saatlıq məsafədə Osmanlı İmperiyası qurur”
Rəcəb Tayyib Ərdoğan

Fransanın Ermənistanı dəstəkləyən mövqeyi heç kimə sirr deyil. Avropa dövləti Azərbaycanın haqq davasında həmişə qarşı tərəfin yanında olub.

Üstəlik, Fransanın qardaş Türkiyə ilə də ulduzları barışmır. Fransızların prezidenti Emmanuel Makron hər imkandaca türk həmkarı Rəcəb Tayyib Ərdoğanı tənqid edir. Hərçənd Ərdoğanın cavabları daha sərt olur.

Bizimyol.info xəbər verir ki, Fransa mətbuatı da Makrondan geri qalmır. Avropa ölkəsinin mətbuatında Ərdoğanın fotolarını çox görmək mümkündür. Türkiyənin dövlət başçısı haqda az qala hər gün tənqid yazılır, onun demokratiya prinsiplərinə zərər vurduğu bildirilir.

Rəcəb Tayyib Ərdoğan Rəcəb Tayyib Ərdoğan

Bu dəfə “Atlantico” Ərdoğanın tənqidinə yer verib. Sayt Türkiyə prezidenti haqda “Ərdoğan Parisdən 3 saatlıq məsafədə Osmanlı İmperiyası qurur” yazıb. Media orqanı türk dövlət başçısı haqda “DNT-ni Fatih Sultan Mehmetdən alır” ifadəsini işlədib.

Yazıda aşkar bir xətt keçir. Fransızları Türkiyənin müdafiə sənayesinin güclənməsi narahat edir. Məhz bu nüans xüsusi fərqləndirilib. Təbii ki, Türkiyənin pilotsuz uçuş aparatları istehsalındakı bacarığı Avropa ölkəsində qıcıq yaradır. Üstəlik, müttəfiq Ermənistan dronlarla darmadağın edilirsə, bu, Fransada sakit qarşılana bilməz.

Yazıda açıq mətnlə Türkiyənin Qarabağda və Liviyada güclü göründüyü qeyd edilib. Çünki əməliyyatlarda qardaş ölkənin pilotsuz uçuş aparatları yeni reallıq ortaya qoyub. Sayt Türkiyənin aşkar güc nümayişi ilə məşğul olduğunu iddia edir. Hiss olunur ki, Ankaranın dayanmadan güclənməsi Parisdə narahatlıq oyadır.

“Atlantico” 2011-ci ilin mayında fəaliyyətə başlayıb. Xəbər saytı daha çox qalmaqallarla gündəmə gəlməyə çalışıb. “Atlantico” ABŞ mediasından çox təsirlənib. Yazılarda Amerika mətbuatının dəst-xətti aşkar sezilir.

Rəcəb Tayyib Ərdoğan və Emmanuel Makron Rəcəb Tayyib Ərdoğan və Emmanuel Makron

Son vaxtlar Fransa ilə Türkiyənin ortaq məxrəcə gələcəyi bildirilsə də, Makron hələ yanvarın əvvəlində Ərdoğanı bir daha tənqid etmişdi. O, həmkarının radikalizmin yanında olduğunu bildirmişdi. Ərdoğanın cavabı gecikməmişdi. Türkiyə dövlət başçısı Makrona psixiatrın qəbuluna yazılmağı məsləhət görmüşdü.

Paylaş »
››› "Yoluxma sayının artmasını böyütməyək" - Professor
››› Martın 8-nə olan hava proqnozu
››› Putinə evlənməyi təklif edən qadın prezidentin buna reaksiyasından danışdı
››› Səfir üzərindən Azərbaycana qarşı kampaniyanı kim təşkil edir - erməni izi...
››› Putin İranın ali rəhbərinin məktubunu cavablandırdı
››› Külək Bakı-Qazax yolunda "Kamaz"ı aşırıb - Foto
››› Azərbaycanda son sutkada koronavirusa yoluxanların sayı açıqlandı
Son xəbərlər
Bütün xəbərlər »