ABŞ Prezidenti Co Baydenin administrasiyası 2020-ci ildə Vaşinqtonla radikal “Taliban” hərəkatının nümayəndələri arasında əldə edilmiş razılaşmaları yoxlamaq niyyətindədir.
Bu barədə Ağ Ev rəsmilərinə istinadən “Reuters” məlumat verib.
Agentlik bildirib ki, Baydenin Milli Təhlükəsizlik üzrə köməkçisi Cek Sallivan Əfqanıstan rəsmiləri ilə telefon danışığında ABŞ rəhbərliyinin planları barədə məlumat verib.
2020-ci ilin fevralında ABŞ və “Taliban” arasında Dohada sülh müqaviləsi imzalanıb. Razılaşmalara görə, ABŞ və koalisiya qüvvələri 14 ay ərzində bütün qoşunlarını Əfqanıstandan çıxarmalı idi.
