Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
“Soros dairələrinə anti-Rusiya ritorikasını gücləndirmək tapşırılıb” - Ermənistanda siyasi gərginlik
İrəvan, Ermənistan

“İki gün öncə Soros dairələrinə anti-Rusiya ritorikasını gücləndirmək və ABŞ ilə təmasları daha sıxlaşdırmaq tapşırılıb”.

Ermənistanın Vatikandakı sabiq səfiri, keçmiş prezident Serj Sarqsyanın kürəkəni, mühacir diplomat Mikael Minasyan öz teleqram kanalında növbəti dəfə insayd məlumat paylaşıb.

Keçmiş diplomat Ermənistanın ABŞ-a təyin olunacaq yeni səfirinin adını açıqlayıb: “Nikol Paşinyan Makuntsu Ermənistanın ABŞ-dakı fövqəladə və səlahiyyətli səfiri təyin etmək qərarını verib... Makuntsun pis bir insan olmadığını düşünsək də, şübhəsiz ki, o, səriştəsiz siyasətçi, üstəlik, bacarıqsız diplomatdır. Ümumiyyətlə, diplomat belə deyil! Onun savadsızlığının sübutu olaraq parlamentlərarası da daxil olmaqla, müxtəlif səviyyələrdə xarici siyasətdəki uğursuzluqları göstərmək olar. Ancaq Nikol Paşinyan məhz Makuntsa əvvəlcə mədəniyyət naziri vəzifəsini, sonra isə öz fraksiyasına rəhbərlik etməyi tapşırıb. Nikolun ingilis dili müəllimi kimi tanınan Makuntsun yalnız bir üstünlüyü var – Nikol ona qeyd-şərtsiz inanır. Bu səbəbdən də onu ABŞ-a göndərərək bir güllə ilə iki dovşan vurmağa qərar verdi: onu həm batan gəmidən xilas etmək, həm də iki supergüc arasındakı çirkli oyunda istifadə etmək”.

M.Minasyan həmçinin yazısında bu təyinatın Ermənistana baha başa gələcəyini vurğulayıb: “Onun qarşıdakı təyinatı təkcə Ermənistan-Amerika, Ermənistan-Rusiya münasibətlərinə, Ermənistanın imicinə yox, həm də müstəqil bir ölkə olaraq varlığımıza da zərbədir”.

Qeyd edək ki, M.Minasyanın qeyd etdiyi şəxs Lilit Makuntsdur. O, Ermənistan parlamentindəki “Mənim addımım” fraksiyasının rəhbəridir. L.Makunts daha öncə ölkənin mədəniyyət naziri vəzifəsində çalışıb. Siyasətçinin 37 yaşı var.(report)

Paylaş »
››› "Paşinyan gücünü göstərdi və hakimiyyətdə qaldı"
››› İlham Əliyev iranlı jurnalistə irad bildirdi
››› Putinin “üçüncü qızı” danışdı: “Ona görə çox təhqir edirlər”
››› Hərbiçilərin maaşları ilə bağlı açıqlama nəyi nəzərdə tutur...
››› Ermənistan niyə silahlanır … - “Daim ayıq-sayıq olmalıyıq”
››› "Ermənistanda ideal fırtına şəraiti yaranıb"
››› Portuqaliya kinoşirkəti Xocalı faciəsini ekranlaşdırıb - Video
Son xəbərlər
Bütün xəbərlər »