Dünyada yeni növ koronavirus (COVID-19) infeksiyasına yoluxanların sayı artaraq 98 milyon 89 min 877 nəfərə çatıb.

Bizimyol.info xəbər verir ki, pandemiya qurbanlarının sayı 2 milyon 100 min 404 nəfərdir. İndiyədək 70 milyon 467 min 972 infeksiya daşıyıcısı xəstəlikdən sağalıb.

Son günlər dünya ölkələri üzrə koronavirusa yoluxma halları kəskin artmaqdadır.

Xatırladaq ki, koronavirus 2019-cu ilin dekabrında Çinin Uhan şəhərində yayılmağa başlayıb. COVID-19 virusu 218 ölkədə qeydə alınıb.