Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
“Baydenin hakimiyyəti dönəmində Türk Dünyasını çətin günlər gözləyir”
Co Bayden

“Baydenin Qarabağla bağlı münasibətləri tam fərqlidir. Xüsusilə də onun Dağlıq Qarabağ baxışı var. ABŞ-da seçki dönəmi aktiv əməliyyatlarla üst-üstə düşdüyünə görə, Bayden Ermənistan lobbiçiliyinin dəstəyini almaq məqsədilə müəyyən bəyənatlar verdi. Məsələn, Türkiyəni tənqid etdi ki, baş verən proseslərdə iştirak etməsin”.

Bunu Bizimyol.info-ya açıqlaması zamanı Sosial Tədqiqatlar Mərkəzinin mətbuat xidmətinin rəhbəri Əziz Əlibəyli bildirib. Onun sözlərinə görə, ümumiyyətlə, demokratlar dönəmində həmişə “uydurma soyqırımla” bağlı cəhdlər yer alıb.

Əziz Əlibəyli Əziz Əlibəyli

“2021-ci ilin 24 apreli Türkiyə və türk dünyası üçün çox çətin keçəcək. Keçmiş dönəmə baxsaq, Baydenin Ermənistana, Qarabağdakı qondarma rejimə göndərdiyi yardımlar var. Obama dönəmində isə Türkiyə ilə Ermənistan arasında sərhəddin açılması, ticarət sazişinin bağlanması ilə bağlı basqı yaratmışdılar. O dönəmdən sonra Bayden xüsusilə də Ermənistan lobbisinə yönəlik kampaniyalarda çox böyük mesajlar verib. Ona görə də, indi Baydenin türk dünyası və xüsusilə də bizimlə bağlı atacağı bəzi addımlar var. Ola bilsin ki, o, "qondarma soyqırımı" tanıma ilə bağlı ciddi şəkildə addım atsın. Həm anti-Türkiyə, həm də Azərbaycana qarşı mövqeyi var”.

Əziz Əlibəylinin sözlərinə görə, Qarabağda rus sülhməramlıları var, lakin Bayden təzyiq göstərəcək ki, nəzarətçi qismində hansısa heyətlə təmsil olunsun.

“Mütləq şəkildə ATƏT-in Minsk qrupunu dirildəcək və fəaliyyətini aktivləşdirəcək. Ermənistana yardımları artıracaq. Ola bilsin ki, Azərbaycana Amerikadan gələn yardımları məhdudlaşdırsın.

Digər məsələ ondan ibarətdir ki, bütövlükdə Baydenin Azərbaycan, Türkiyə və Şərqə yönəlik siyasətində Ermənistan məsələsi xüsusi üstünlük təşkil edəcək. Bu da lobbinin maraqları ilə bağlıdır. Birləşmiş Ştatların Qafqazda, Yaxın Şərqdə, Qara dəniz və Xəzər arası hövzədə aktivləşməsi üçün bəzi addımlar atması lazımdır. Gürcüstan hakimiyyəti, Paşinyan onun tərəfdaşıdır. Burada istər-istəməz Azərbaycanla bağlı məsələ dalana dirənmiş olur”,- deyə bildirib.

Co Bayden xanımı Cill Bayden ilə Co Bayden xanımı Cill Bayden ilə

Xatırladaq ki, Bayden Ermənistan lobbisinin iki təmsilçisi - Hayk Hacınəzəryan və Ceff Marutyana Ağ Evdə vəzifə verib. Həmçinin onun xanımı  - Cill Bayden də inauqurasiya mərasiminə "Makaryan" moda firmasının xüsusi olaraq hazırladığı geyimdə qoşulub.

Leyla Mirzə

Paylaş »
››› Türkiyə həkimi Elmar Vəliyevin anlaqlı olmadığını təsdiqlədi
››› Dünyanın ən mühüm nemətlərindən birində qıtlıq gözlənir
››› TamKart sahibləri ƏDV faizlərini 30 gün gözləmir
››› “Avropa Birliyi Türkiyəni özünün vuran əli olaraq sistemin içinə çəkəcək”
››› Avropaya açılan Naxçıvan dəhlizindən hansı ölkələr yararlanacaq...
››› Bakı və Sumqayıt şəhərləri, Abşeron rayonu üzrə mart ayının pensiyaları ödənilib
››› Hacıbala Abutalıbov Bakıdan köçüb
Son xəbərlər
Bütün xəbərlər »