Türkiyənin Cümhuriyyət Xalq Partiyasının (CHP) sədri Kamal Kılıçdaroğlu Azərbaycanın 20 Yanvar şəhidlərini ehtiramla yad edib.
APA-nın xəbərinə görə, “20 Yanvar” qətliamı haqqında Türkiyənin aparıcı müxalifət partiyasının lideri Kamal Kılıçdaroğlu özünün “Twitter” səhifəsindən paylaşım edib.
"31 il öncə Azərbaycanın müstəqilliyi üçün yaşanan, müstəqillik simvoluna çevrilən və tarixə “Qanlı yanvar” olaraq düşən faciədə şəhid olan qardaşlarımızı ehtiramla anıram, Can Azərbaycanımızın Milli Matəm Günündə ortaq qəlb sızıltılarımızı dərin hüznlə paylaşıram”, deyə CHP lideri qeyd edib.
