Bizimyol.info qoroskop həvəskarlarına 17 yanvar, 2021-ci il tarixi üçün ulduz falını təqdim edir:

Ümumən bu gün kiçik anlaşılmazlıqlar, fikir ayrılıqları, ünsiyyətdə problemlər mümkündür. Ancaq bütün çətinliklər qısa müddətdə aradan qaldırıla bilər. Müsbət tendensiyaların təsiri hər saat artacaq, buna görə də səhərlər vacib işləri və məsuliyyətli görüşləri günortadan sonraya təxirə salmaq məsləhət görülür. Yaxşı ideyalar da günortadan sonra ortaya çıxacaq və perspektivdə uğur gətirəcək.

Qoç - Gün boyunca çoxlu fikir ayrılıqları ola bilər, mübahisələr diqqətinizi işinizə cəmləşdirməyə mane olacaq, planları vaxtında həyata keçirməyinizə imkan verməyəcək. Bəzən əvvəllər heç vaxt sizin mövqeyinizi yanlış saymayanlar da bu gün fikirlərinizə şübhə ilə yanaşa bilər. Özünüzü qorumaq çətin olacaq, amma özünüzdən çıxmasanız, şübhəsiz ki, vəziyyəti idarə edəcəksiniz və dəyişiklikliyə nail olmaq üçün bir yol tapacaqsınız.

Riskli addımlardan çəkinməyə çalışın. Hədəfinizə nədən ötrü can atdığınızı təhlil edin. Məqsədinizə çatmaq üçün sübut edilmiş, sınanılmış və etibarlı yollardan istifadə edin. Məsləhətləri dinləməyə dəyər: Təcrübəli adamların ideyaları çətin vəziyyətlərdən çıxmağa kömək edəcək.

Buğa bürcü

Buğa - Günün əvvəlində problemlər ola bilər. Bəzən hərəkətləriniz və qərarlarınız gərginliyə səbəb olacaq. Hisslərinizi cilovlamağa çalışın. Əks halda sonradan peşman olacağınız davranış tərzi sərgiləyə bilərsiniz. Adətən, ehtiyatlı olduğunuz situasiyalarda bu gün riskə meylli olacaqsınız. Bu gün səbr və təmkin ən yaxın dostunuz ola bilər.

Günortadan sonra daha əlverişli vəziyyət yaranacaq. Maraqlı işlər görmək, vacib bir məsələdə uğur qazanmaq üçün fürsət qazanacaqsınız. Minimum məlumatınız olsa da, demək olar ki, heç bir situasiyada səhv etməyəcəksiniz, düzgün qərarlar verəcəksiniz.

Əkizlər - Uğurlu və məhsuldar bir gündür. Fərqli sahələrdə fəaliyyət üçün yaxşı vaxtdır. Həm tamamilə yeni tapşırıqlarda, həm də çoxdan tanış olan işlərdə əla nəticələr qazanacaqsınız. İşgüzar əlaqələri gücləndirmək üçün də bir fürsət yaxalayacaqsınız. Nəticədə dost olaraq qazanacağınız yeni nüfuzlu tərəfdaşlar tapacaqsınız.

Günortadan sonra səyahət üçün əlverişlidir. Səfərlər çox canlı təəssüratlar vəd edir. Bir çox Əkizlər üçün ətrafındakı dizaynı dəyişmək ruh yüksəkliyi gətirəcək.

Bürcün nümayəndələri bizneslə əlaqəli yeni ideyalara sahib olacaqlar. Daha sonra planlarını həyata keçirə və gəlirlərini artıra biləcəklər.

Xərçəng bürcü

Xərçəng - Günün birinci yarısı çox mənasız keçəcək. Boş söhbətlər vaxtınızı çox alacaq. Maraqsız bir şeyə görə əsas işinizdən diqqətiniz yayınacaq. Başqaları ilə münasibət qurmaq çətin olacaq: Deyəsən, ən sadə fikirləri də anlamayacaqlar.

Günortadan sonra durum çox fərqli olacaq. Bir çox faydalı işlər görməyinizə, çoxdan planlaşdırdığınız işləri həyata keçirməyinizə və ya əvvəllər həll edə bilmədiyiniz problemləri yoluna qoymağa nail olacaqsınız. Bəzi Xərçənglər yeni təcrübə əldə edəcəklər, yeni insanlarla tanış olacaqlar və gələcəkdə onların dəstəyindən yararlanacaqlar.

Şir - Günün ilk saatları əlverişlidir. Məhz günün bu hissəsi ən vacib işlər üçün, həm də xoş təəssürat yaratmaq istədiyiniz insanlarla tanış olmaq üçün maraqlı fürsətlər təklif edəcək. Əməkdaşlıq üçün maraqlı təkliflər mümkündür. Təbii ki, onlarla razılaşmaq istəyəcəksiniz və peşman olmayacaqsınız.

Günortadan sonra bir qədər çətin olacaq. Xoşagəlməz görüşlər gözlənilir. Böyük ehtimalla, ümumiyyətlə rəğbət oyatmayan insanlarla daha çox vaxt keçirməli olacaqsınız. Özünüzü saxlasanız və emosiyalarınızı zəncirləyə bilsəniz, mübahisələrdən çəkinmək mümkün olacaq.

Qız bürcü

Qız - Səhər saatlarında problemlərin olması mümkündür. Amma bu problemlər sizin günahınızın nəticəsi deyil. Etibar etdiyiniz insanlar heç də hər zaman ümidləri doğrultmur və bəzən sadəcə, işlər yolundan çıxır. Amma həmişəki qaydada yola davam edin. Problemlər qarşısında özünüzü itirməsəniz, vəziyyəti istədiyiniz kimi idarə edəcəksiniz.

Günortadan sonra tamamilə fərqli mühit olacaq. Çox güman ki, bu zaman çox vacib bir işdə şanslı olacaqsınız. Həyatın bütün sahələrində təşəbbüskar olmaq fayda gətirəcək. Sevdikləriniz də ideyalarınızı bəyənəcəklər. Hətta o ideyaları həyata keçirməyin çətinliyini başa düşənlər də sizə dəstək olacaqlar.

Tərəzi - Sakit və məhsuldar bir gündür. Günün ilk yarısı müstəqil fəaliyyət göstərmək üçün əlverişlidir. Bir çox işləri yaxşı bacaracaqsınız, tamamilə yeni işlərdə də uğur qazanacaqsınız.

Elmi sahədə işləyənlərin də uğur qazanma ehtimalı böyükdür. Faydalı ola biləcək hər şeyi rahatlıqla yadda saxlaya biləcəksiniz, heç nəyi qarışdırmayacaqsınız və unutmayacaqsınız.

Daha sonra komanda işi üçün daha uyğun vaxt gələcək. Dəstəyini alıb mühüm hədəflərə çatacağınız etibarlı tərəfdaşlar tapa biləcəksiniz. Eyni zamanda, sevdiklərinizlə bağlı xoş xəbərlərin gəlməsi ehtimalı da yüksəkdir.

Əqrəb bürcü

Əqrəb - Gün uğurlu və çox məhsuldar olacaq. Çətin işlərə girişmək, yeni təcrübə qazanmaq üçün əlverişli vaxtdır. Bu gün çətin məsələləri də çevik şəkildə qavrayacaqsınız, birmənalı olmayan məqamlarda da hədəfə doğru yolu düzgün seçəcəksiniz. Yeni tanışlarla birgə fəaliyyətdə diqqətli olmaq lazımdır - yaxşı olar ki, sınanılmış dostlarla əməkdaşlıq edəsiniz.

Şəxsi münasibətlərdə təşəbbüs göstərmək faydalıdır: Atmosferi yaxşılığa doğru dəyişdirmək şansınız olacaq. Təcrübələriniz barədə danışmaqdan çəkinməyin, təbii ki, anlayış və dəstək görəcəksiniz. Romantik sürprizlər mümkündür.

Oxatan - Uğurlu gün gözlənilir. Bir çox cəhətdən əla nəticələr əldə edə bilərsiniz. Hər hansı bir məsələnin həllində yaradıcı olmaq, hədəfə doğru öz yolunuzu tapmağa çalışmaq və özünüzü başqalarının təsirindən qorumaq qabiliyyətiniz faydalı olacaq. Nail olmaq üçün dəfələrlə cəhd edəndə də ruhdan düşmürsünüz. Bu yaxşı cəhətinizdir və ona sadiq qalın.

Xoş tanışlıqların baş tutması ehtimalı var. Bir çox insanların sizə maraqlı təkliflərlə müraciət etməsi mümkündür. Cavab verməyə tələsməyin - düşünməyə vaxtınız olacaq.

Romantik bir görüş gözlənilir. Görüşü özünüz təşkil etsəniz, qarşı tərəfə yaxşı təsir bağışlayacaqsınız.

Oğlaq bürcü

Oğlaq - Asan olmasa da, özünüzü saxlamağa çalışın. Bu gün heç də hər şey plana uyğun getməyəcək, ətrafdakılar həmişə gözləntilərinizi doğrultmayacaq, bəzən mövqeyiniz tam üst-üstə düşməyən insanlarla münasibətdə uğurlu bir yanaşma tərzi axtarmalısınız. Yaxşı xəbər budur ki, bütün bu çətinliklərin öhdəsindən gəlmək olar. Əsas odur ki, öz təcrübənizə etibar edin və sağlam düşüncənin səsinə qulaq verin.

Başqalarının dedikləri həmişə doğru deyil. Buna görə aydınlaşdırıcı suallar verməkdən çəkinməyin, məlumatları yoxlayın. Öz bilik və fikirlərinizi yalnız etibar etdiyiniz insanlarla bölüşməlisiniz.

Dolça - Günün ilk yarısı ünsiyyət üçün yaxşıdır. Tərəfdaşlara ehtiyacınız varsa, indi onları asanlıqla tapa bilərsiniz. Mümkündür ki, sizə əlverişli şərtlərlə əməkdaşlıq təklif edilsin. Bəzi Dolçalar öz istedadları və bilikləri ilə başqalarında xoş bir şəkildə təəccüb yaradacaqlar. Qələbələriniz və müvəffəqiyyətləriniz haqqında danışmaqdan çəkinməyin: Bu, sizi lovğa adam kimi göstərməyəcək, əksinə, lazımi insanların diqqətini cəlb etməyə imkan verəcək.

Günortadan sonra bir az daha çətin olacaq. Uzun müddətdir davam edən bəzi fikir ayrılıqları kəskinləşə bilər və bu dəfə təslim olmaq istəməyəcəksiniz. Yenə də açıq münaqişəyə yol verməməyə çalışın - bu sizin ixtiyarınızdadır.

Balıq bürcü

Balıq - Bu gün çoxlu xoş anlar yaşayacaqsınız. Bəlkə də əhəmiyyətli və vacib bir şey olmayacaq, amma şübhəsiz, sevinmək üçün səbəbləriniz olacaq. Uğurlu təsadüflər nəticəsində, çox güman, pis niyyətli insanlar oyundan kənarda qalacaqlar və rəqiblərinizdən qabağa gedə biləcəksiniz. Bəzi Balıqlar karyerada inkişaf edəcəklər və ya müstəqil iş üçün əla ideyalara sahib olacaqlar.

Şəxsi münasibətlərdə müsbət tendensiyaların təsiri üstünlük təşkil edəcək. Sevdiklərinizlə mübahisə etməyəcəksiniz, onları tez-tez mükəmməl şəkildə başa düşəcəksiniz. Görməyə çox sevinəcəyiniz köhnə tanışlar sizinlə əlaqə saxlaya bilərlər.