Gürcüstanın hakim “Gürcü Arzusu – Demokratik Gürcüstan” Partiyasının qurultayı keçirilir.
“Report”un yerli bürosu xəbər verir ki, toplantıda İrakli Kobaxidzenin partiyanın sədrliyinə namizədliyi yekdilliklə dəstəklənib.
Yeni sədr göstərilən etimada görə minnətdarlığını bildirib.
Qurultayda partiyanın 21 üzvdən ibarət Siyasi Şurası formalaşacaq, icraçı və siyasi katiblər də seçiləcək.
Qeyd edək ki, İ.Kobaxidze bundan öncə “Gürcü Arzusu”nun icraçı katibi olub. 43 yaşlı siyasətçi 2016-2019-cu illərdə Gürcüstan parlamentinin sədri vəzifəsini tutub. Partiyanın keçmiş sədri Bidzina İvanişvili yanvarın 11-də vəzifəsini tərk edib.
