Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Yeni Agentliyin yaradılması mediaya necə təsir edəcək... - Açıqlama
Qulu Məhərrəmli

Ötən gün Prezident İlham Əliyev “Azərbaycan Respublikasında media sahəsində islahatların dərinləşdirilməsi haqqında” fərman imzalayıb.

Fərmana əsasında “Azərbaycan Respublikasının Medianın İnkişafı Agentliyi” publik hüquqi şəxs yaradılıb, “Azərbaycan Respublikasının Medianın İnkişafı Agentliyinin Nizamnaməsi” təsdiq edilib.

Beləliklə, Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun hüquq və öhdəlikləri, habelə əmlakı Agentliyə keçib.

Bizimyol.info-ya açıqlaması zamanı əməkdar jurnalist Qulu Məhərrəmli bildirib ki, Agentlik üç istiqamətdə hərəkət edəcək. Onun sözlərinə görə, ən azı son 1 ildir ki, Azərbaycanda hamı müəyyən islahatların, dəyişikliklərin olmasını gözləyir. Bu baxımdan KVDF-nin bazasında yeni qurumun yaradılması müsabət hadisədir.

“Medianın, internet saytlarının fəaliyyətinin tənzimlənməsi daha çox dövlət siyasətini gerçəkləşdirməsi üçün nəzərdə tutulur. O cümlədən Azərbaycan mediasının bugünkü inkişaf istiqamətlərini müəyyən etmək, onu müasir platfomaya çıxartmaq, innovasiyalar təqbiq etmək, yüksək peşə standartlarına gətirmək, media təhsili, ixtisasartırma fəaliyyəti nəzərdə tutulur.

Agentlik üç istiqamətdə hərəkət edəcək. Birincisi qanunverici bazanın möhkəmləndirilməsidir. Söhbət KİV haqqında qanunun yenilənməsindən, media qanunvericiliyi ilə bağlı məsələrin həll olunmasıdan gedir.

İkincisi medianın maddi-texniki bazasını, maliyyələşdirilmə problemlərini həll etməlidir. Üçüncüsü isə jurnalistlərin peşə fəaliyyətinin gerçəkləşdirilməsi üçün lazımi şəraitin yaradılmasıdır. Çünki indi çox ciddi problemlər var. Həm KİV haqqında qanunda qanunda süni şəkildə müəyyən boşluqlar yaranıb, həm də o qədər dəyişiklik aparılıb ki, qanun tanınmaz hala salınıb. Medianın özündə hüquq pozuntuları, etik qaydaların pozulması, şəxsi qərəzçilik, media qurumunun qisas vasitəsinə çevrilməsi, şəxsi həyata müdaxilə bunlar hamısı artıb və göz qabağındadır. Ona görə də, burada nizam yaratmaq çox önəmlidir. Əlbəttə ki, bütün hallarda tənzimləmə və ya nizam yaratmaq qətiyyən mətbuat azadlığına, jurnalistlərin şəxsi yaradıcılığına, medianın öz funksiyasını yerinə yetirməyinə qətiyyən mane olmamalıdır.

Maliyyələşdirilmə ilə bağlı məsələ həssas məqamdır. Bizim media təəssüf ki, son illərdə “vitamin”ə alışmış bir vəziyyətdədir, çünki həmin pul ayrılmasa medianın fəaliyyəti iflic olar. İndi elə müans qoyulmalıdır ki, media həm öz işini görə bilsin, həm də iqtisadi cəhətdən asılı olmasın”.

Qulu Məhərrəmlinin sözlərinə görə, qonşu ölkələr və dünya təcrübəsindən bəhrələnmək işində agentlik mediaya köməklik edə bilər.

“Nizamnamədə peşəkarlıq, ixtisas, kadr təminatı məsələləri nəzərdə tutulub. Elə hesab edirəm ki, media təhsili ilə bağlı təkliflər ortaya çıxa bilər. Qarabağ müharibəsi də göstərdi ki, bizdə sahələr üzrə ixtisaslaşma çox məhduddur. Keyfiyyətli məhsul ortaya çıxardan jurnalistlərimizin sayı azdır. Bu sahədə qonşu ölkələr və dünya təcrübəsindən bəhrələnmək işində agentlik mediaya köməklik edə bilər.

Heç bir halda dövlət qurumu mətbuat azadlığına müdaxilə etməməlidir. Ümumiyyətlə medianın gələcəyi alternativ mediadan asılıdır. Bir boyda, bir biçimdə media qurumlarının olması nə cəmiyyətin, nə də hakimiyyətin xeyrinə deyil. Ona görə də, həm medianı inkişaf etdirməli, həm də onun müstəqilliyini qorumalıyıq. Düşünürəm ki, agentlik də bu istiqamətdə çalışmalıdır”,- deyə bildirib.

Leyla Mirzə

Paylaş »
››› Türkiyədən dron alan Ukrayna dronları məhv edən silah hazırladı - Foto
››› "Öz təhlükəsizlik xidməti Putinə qarşı işləməyə başlayıb" - Rusiyada gərginlik
››› “ABŞ-ın Fransa ilə eyni mövqeyə gəlməsi, bizim üçün arzuolunmaz nəticələr verə bilər”
››› “Azərbaycanda Paşinyanı elə tərifləyirlər ki, elə bil, orada hörmətli insandır” - Qabrelyanov
››› Yunan deputat: “Türklərə döyüşmədən uduzacağıq”
››› Bir qrup tanınmış şəxs Eldar Həsənova zamin durdu
››› Azərbaycanda daha bir vəkil vəfat edib
Son xəbərlər
Bütün xəbərlər »