Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Rusiya mətbuatı: “Qarabağda əməliyyatlar yendiən başlaya bilər”
İlham Əliyev, Vladimir Putin, Nikol Paşinyan

Dünən Moskvada baş tutmuş 3 tərəfli görüş Rusiya mətbuatının gündəmindən düşmür. Təbii ki, Rusiya tərəfi özünün problemlərin həllində əvəzsiz rolunu sübut etmək üçün səy göstərir.

Politoloq Ajdar Kurtov Rusiya və Ermənistanın yenidən status məsləsindən təzyiq aləti kimi istifadə edib ara qarışdıracağına, bu vəziyyətdə onların qarşısında tək maneənin Türkiyə olacağına eyham vurmaqla yanaşı, bu an üçün Rusiyanın rəsmi Ankara ilə Bakının arasını vurmaqda maraqlı olduğunu da dilə gətirib. Qarabağ məsələsi hələ yaxın 5 ildə soyuq qarşıdurma kimi davam etməklə isti konfliktə də dönə bilər.

Politoloq Ajdar Kurtov “İzvestiya” qəzetinə verdiyi açıqlamada regiondakı vəziyyəti şərh edib. Bizimyol.info onun fikirlərini təqdim edir.

Ajdar Kurtov Ajdar Kurtov

Politoloqun fikrincə, fəal əməliyyatlarının yenidən başlanması təhlükəsi hələlik qalmaqdadır.

“Ona görə ki, Ermənistanda siyasi vəziyyət qeyri-stabildir. Bu, əldə edilən razılaşmalara sözsüz əməl ediləcəyini deməyə imkan vermir. Ermənistanda əldə edilən sazişdən imtina etməyə imkan verən mövqelərin üstünlük təşkil etməsi də mümkün görünür.

Qarabağın statusu məsələsi praktiki şəkildə daha sərt ortaya qoyulsa, yenidən vəziyyət kəskinləşəcək. İndilik bu mövzu ikinci planda saxlanılır. Çünki əsirlərin gələcəyi, ərazilərin minalardan təmizlənməsi və infrastrukturun yaradılması kimi məsələlər ön plana çəkilib. Bərpa işləri başa çatıb status məsələsi gündəmə gətiriləndə Ermənistan hazırda Rusiyanın nəzarəti altında olan ərazilərin Azərbaycanın tərkib hissəsi sayılmamasına cəhd edəcək. Bu problemi diplomatik yolla həll etmək mümkün olmasa, vəziyyət yenidən alovlana bilər, çünki bölgədə rəsmi Ankaranın da maraqları var. Ankara öz təsirinin regionda böyüməsində maraqlıdır.

Rəcəb Tayyib Ərdoğan və İlham Əliyev Rəcəb Tayyib Ərdoğan və İlham Əliyev

Türkiyə Azərbaycana daha qətiyyətli addım atmaq üçün artıq bir dəfə dəstək verib və bunu davam etdirəcəyini də dəfələrlə bəyan edib. Gələcəkdə əməliyyatların təkrarlanması istisna deyil, bunu gözləmək lazımdır. İstənilən ehtiyatsız addımdan sülh darmadağın ola bilər. Vəziyyətin sabitliyi 2 ölkənin rəhbərinin siyasi dialoqundan asılıdır. Dialoqdan imtina edilsə, Qarabağda problem dondurulmuş münaqişə mərhələsinə keçəcək.

Ermənistan əhalisinin çoxunun 9 noyabr bəyannaməsini məğlubiyyət kimi qəbul edib barışmaması da ciddi problemdir. Ermənistanda hakimiyyətə radikal fikirli insanların gəlişinə yol vermək olmaz. Bu da qarşıdurmanı alovlandıra bilər.

İndi Yerevan və Bakı arasında açar rolunu oynayan Moskva da Ankara ilə də aktiv dialoqlar aparırı ki, qaynar ritorikalara son verilsin”.

Rəcəb Tayyib Ərdoğan və Vladimir Putin Rəcəb Tayyib Ərdoğan və Vladimir Putin

Göründüyü kimi, Kurtovun açıqlamaları əslində Rusiyanın arzularını əks etdirir. Münaqişə sağalmadan qalsın, qeyri- müəyyənlik davam etsin, Erməistanla Azərbaycan didişdikcə Rusiyanın əli güclənsin və mümkün olduqca Türkiyə kənarda dayansın. Yeni reallıqlar isə başqa addımlar, başqa planlar tələb edir.

İlhamə Rəsulova

Paylaş »
››› Türkiyədən dron alan Ukrayna dronları məhv edən silah hazırladı - Foto
››› "Öz təhlükəsizlik xidməti Putinə qarşı işləməyə başlayıb" - Rusiyada gərginlik
››› “ABŞ-ın Fransa ilə eyni mövqeyə gəlməsi, bizim üçün arzuolunmaz nəticələr verə bilər”
››› “Azərbaycanda Paşinyanı elə tərifləyirlər ki, elə bil, orada hörmətli insandır” - Qabrelyanov
››› Yunan deputat: “Türklərə döyüşmədən uduzacağıq”
››› Bir qrup tanınmış şəxs Eldar Həsənova zamin durdu
››› Azərbaycanda daha bir vəkil vəfat edib
Son xəbərlər
Bütün xəbərlər »