Tvitter sosial şəbəkəsi "zorakılığa təhrikçilik cəhdi ehtimalına" görə ABŞ-ın hazırkı Prezidenti Donald Trampın hesabına girişi bağlayıb.

Virtualaz.org bildirir ki, bu barədə sosial şəbəkənin administrasiyası məlumat yayıb.

"@realdonaldtrumpun və onu əhatə edən kontekstin bu yaxınlardakı paylaşımlarının dəqiq müzakirəsindən sonra biz hesabı zorakılığa sonrakı təhrikçilik cəhdi ehtimalına görə daimi əsasda dondurduq", - deyə administrasiyanın məlumatında bildirilir.

Daha əvvəl tvitter Trampın hesabını 12 saatlıq dondurub və onu üç paylaşımı silməyəcəyi təqdirdə daimi bloklamaqla hədələyib. Tvitter rəhbərliyinin fikrincə, bu paylaşımlar sosial şəbəkənin qaydalarını pozur.

Bundan əvvəl isə feysbuk rəhbəri Mark Sukerberq bildirib ki, ABŞ Prezidentinin feysbuk və instaqram sosial şəbəkələrində hesabları minimum daha iki həftə dondurulmuş qalacaq.

Bu arada D.Tramp, Tvitter-də hesabının daimi olaraq bloklanmasına münasibət bildirib.

"Bizi susdura bilməzsən!"- deyə Trampın administrasiyası tərəfindən yayılmış bəyanatda vurğulanıb.

Eyni mesaj dövlət başçısının rəsmi hesabında da yayımlanıb, ancaq Twitter onları dərhal silib.