Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Nazirlərin neft hasilatı ilə bağlı altı saatlıq müzakirəsi nəticəsiz qalıb
Neft hasilatı

Bu gün keçirilən OPEC və qeyri-OPEC ölkələrinin (“OPEC+”) nazirlərinin 13-cü videogörüşü başa çatıb.

“Report” xəbər verir ki, bu barədə “TASS” mənbələrə istinadən məlumat verib.

Qeyd olunub ki, nazirlər altı saatlıq müzakirələrdən sonra yekun razılığa gələ bilməyiblər. Bildirilib ki, iclasdakı yarım saatlıq fasilədən sonra müzakirələrin sabah davam etməsi ilə bağlı qərar verilib.

Görüş sabah Bakı vaxtı ilə saat 18:30-da baş tutacaq.

Xatırladaq ki, OPEC-ə üzv və qeyri-üzv ölkələrin nazirlərinin dekabrda keçirilən 12-ci iclasında gündəlik xam neft hasilatının 2021-ci ilin yanvar ayı üçün 7,2 milyon barrel azaldılması və “OPEC+” nazirlərinin hər ay keçiriləcək görüşləri vasitəsilə gündəlik hasilatda artımın 0,5 milyon barreldən çox olmaması şərti ilə aylıq tənzimləməsi barədə qərar qəbul edilib.

Yanvar ayında gündəlik xam neft hasilatını OPEC ölkələri 4 milyon 564 min barrel, qeyri-OPEC ölkələri isə 2 milyon 636 min barrel azaldacaq. Yeni “Əməkdaşlıq Bəyannaməsi”nə uyğun olaraq yanvar ayında Azərbaycanın öhdəliyi 123 min barrel olacaq. Yəni yanvarda Azərbaycan gündəlik xam neft hasilatını 8 min barrel artıraraq istehsalı 595 min barrel səviyyəsində saxlamalıdır.

Paylaş »
››› "Azərbaycan təzminat əvəzinə Zəngəzuru istəyir" - Ermənistanda həyəcan
››› Bizi yoluxdururlar, yoxsa xilas edirlər?- Vaksinin qəribə xüsusiyyətləri barədə
››› Baydenin Hacınəzəryana yüksək vəzifə verməsi Azərbaycana qarşı nə vəd edir...
››› Azərbaycanda yeni mis-qızıl yatağı kəşf edilib
››› "Ərdoğan Afrikanı seriallarla ələ keçirir" - Britaniya mətbuatı
››› ABŞ Krıma müdaxilə planı hazırlayır: Rusiya narahatdır
››› Hökumətdən 190 manatlıq birdəfəlik ödəmə ilə bağlı açıqlama
Son xəbərlər
Bütün xəbərlər »