Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Milli Məclisin komitələrinin birgə iclasında partiyalarla bağlı məsələ müzakirə edilib
Fəzail İbrahimli

Dekabrın 25-də Milli Məclisin İctimai birliklər və dini qurumlar, Hüquq siyasəti və dövlət quruculuğu komitələrinin onlayn formatda keçirilən birgə iclasında “Siyasi partiyalar haqqında” qanunda dəyişiklik edilməsi barədə” məsələ ikinci oxunuşda müzakirəyə çıxarılıb.

Bizimyol.info xəbər verir ki, bu barədə Milli Məclisin Mətbuat və ictimaiyyətlə əlaqələr şöbəsi məlumat verib.

Milli Məclis Sədrinin müavini, İctimai birliklər və dini qurumlar komitəsinin sədri Fəzail İbrahimli bildirib ki, qanun layihəsi birinci oxunuşda Milli Məclisin plenar iclasında geniş müzakirə olundu və siyasi partiyalar haqqında fikir və mülahizələr irəli sürüldü.

Müzakirəyə çıxarılan sənədi çox demokratik qanun adlandıran vitse-spiker məlumat verib ki, siyasi partiyalar haqqında yeni qanun hazırlanır, parlamentdə səslənmiş fikirlər həmin qanunda öz əksini tapacaq. Qeyd edib ki, hazırda humanist bir qanun layihəsi bizim müzakirəmizə verilib. Layihəyə görə, 17-1-ci maddəyə edilən dəyişiklik yeni çağırış Milli Məclisə keçirilmiş seçkilərdə mandat qazanaraq parlamentdə təmsil olunan və yeni qeydiyyatdan keçən partiyaların maliyyə problemlərinin həllinə dəstək verəcək. Yeni qanunda vəsaitin verilmə müddəti müəyyən olunur.

Sonra iclasda Milli Məclis Sədrinin birinci müavini, Hüquq siyasəti və dövlət quruculuğu komitəsinin sədri Əli Hüseynli “Siyasi partiyalar haqqında” qanuna dəyişikliklər edilməsi barədə” qanun layihəsinin birinci oxunuşda plenar iclasdakı müzakirəsi zamanı rəy və təkliflərini bildirmiş olan siyasi partiya rəhbərləri Razi Nurullayev, Fazil Mustafa, Sabir Rüstəmxanlı və Tahir Kərimlinin, həmçinin deputat Məlahət İbrahimqızının fikirlərinə münasibət bildirib, bir sıra məqamlara aydınlıq gətirib. Onlayn iclasda I vitse-spiker qanunun 17-1-ci maddəsinə edilən dəyişiklikləri bir daha ətraflı şərh edib.

Komitələrin birgə iclasında deputatlar Azər Badamov və Razi Nurullayev “Siyasi partiyalar haqqında” qanuna təklif olunan dəyişiklikləri müsbət qiymətləndiriblər, sənədi ikinci oxunuşa tam hazır layihə kimi dəyərləndiriblər. Qeyd olunub ki, bu qanun dövlət büdcəsindən siyasi partiyalar üçün ayrılmış vəsaitin bölüşdürülməsində tam ədalətli yanaşmanı ortaya qoyur.

Hər iki komitə üzvlərinin və siyasi partiya rəhbərlərinin iştirakı ilə aparılan müzakirələrin yekununda qanun layihəsi ikinci oxunuşda Milli Məclisin plenar iclasına tövsiyə edilib.

Paylaş »
››› Ermənistan hərbi geyimlərinin üstündə "Made in Turkey" etiketi aşkarlanıb - Foto
››› İlham Əliyevin açıqlamasından sonra Ermənistan: "Uşaqlarımızı Qarabağdan qaytarın"
››› Baş nazirdən Azərbaycanda sərt karantin rejimi ilə bağlı qərar
››› "Azərİşıq": İşığımız Şuşada yandı! - Şəhərdən son videogörüntülər
››› "SMS" icazə ləğv olunur
››› Bayram Səfərov: “Sosial şəbəkə istifadəçiləri kordur, mən neyləyim...”
››› Paşinyanın oğlu da Moskvaya qaçdı - Video
Son xəbərlər
Bütün xəbərlər »