Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Qarabağda Azərbaycan Ordusuna qarşı ABŞ-dan olan yaraqlılar da vuruşublar
Erməni batalyonu

Dünən Yerevanda baş nazir Nikol Paşinyana qarşı növbəti etiraz aksiyası keçirilib.

Virtualaz.org bildirir ki, Ermənistan paytaxtında etiraz aksiyasını işıqlandıran amerikalı bloger Patrik Lankaster reportajında bu aksiyanın Azərbaycan Ordusuna qarşı döyüşlərdə iştirak etmiş iştirakçılarından birinin tarixçəsini açıqlayıb.

Məlumata görə, ABŞ vətəndaşı Qayk Nazaryan 2016-cı ildə Ermənistana köçüb. Onun sözlərinə görə, o, Aprel müharibəsindən sonra Ermənistana gəlib, çünki bilirdi ki, "hər şey bununla qurtarmayacaq". Qayk Nazaryan deyir ki, bütün bu müddət ərzində müharibə olacağı hissiyyatı ilə yaşayıb və 27 sentyabr 2020-ci ildə hərbi əməliyyatların başlanması onun üçün gözlənilməz olmayıb.

O deyir ki, artıq sentyabrın 29-da Azərbaycan Ordusuna qarşı savaşa qoşulub.

"Mən hərbi komissarlığa artıq hazırlıqlı gəldim. Məni çağırmadılar, könüllü oldum. Məni Hadruta göndərdilər. Çünki əsas yol artıq azərbaycanlılar tərəfindən bağlanmışdı. Könüllülərin çoxu bu müharibəyə ciddi yanaşmırdı. Hamı düşünürdü ki, bu, cəmi 4-5 gün davam edəcək", - deyə Nazaryan bildirir.

Onun sözlərinə görə, düşdükləri postda onlar cəmi 40 nəfər olublar. Digər erməni postlarında isə cəmi 10-15 nəfər olub.

Nazaryan hərbi təcrübəyə malik olduğu ilə öyünür. Onun sözlərinə görə, 2017-ci ildə müqavilə əsasında Tavuşda Azərbaycanla sərhəddə Ermənistan ordusunda xidmət edib.

Daha sonra ABŞ vətəndaşı Qayk Nazaryan Ermənistanın baş naziri Nikol Paşinyanı "satqınlıqda" və "torpaqları verməkdə" ittiham etməyə başlayıb.

"Bu, son Ermənistan – Azərbaycan müharibəsində iştirak etmiş erməni əsilli amerikalı Qayk idi", - deyə Patrik Lankaster reportajını tamamlayıb.

Qeyd edək ki, virtualaz.org Ermənistanın Yaxın Şərq və Avropa ölkələrindən, xüsusilə Fransadan olan terrorçuları və yaraqlıları Azərbaycan Ordusuna qarşı döyüşlərdə iştiraka cəlb etdiyi barədə dəfələrlə yazıb. Bu video onu göstərir ki, Ermənistan silahlı qüvvələrinin sıralarında Azərbaycana qarşı ABŞ-dan olan yaraqlılar da vuruşublar.

Paylaş »
››› “Baydenə zəng vur, Əliyevlə danışsın, imtina etməyəcək”
››› Şəhid məzarlarına münasibət Ermənistanı sevindirdi
››› Qaradağda basdırılan şəhidin xanımı: Biz təxribatçı deyilik, şəhidlərimizin su içində yatmasına razılaşmayacağıq
››› Azərbaycanın ərazisində erməni generalına heykəl qoyulub
››› “Göyçə gölünün əsas mənbələri Azərbaycanın nəzarətinə keçib” - Petrosyan
››› Yanacağın qiyməti artandan sonra qida və dərman məhsulları sürətlə bahalaşır
››› Ermənilər Qarabağda təxribatlara davam edirlər
Son xəbərlər
Bütün xəbərlər »