Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Azərbaycan-Avropa İttifaqı nümayəndə heyətlərini görüşü olub
Azərbaycan-Avropa İttifaqı

18 dekabr 2020-ci il tarixində Brüsseldə Azərbaycan-Avropa İttifaqı Əməkdaşlıq Şurasının 17-ci iclası keçirilib. Şura iclasına Avropa İttifaqının Xarici İşlər və Təhlükəsizlik Siyasəti üzrə ali nümayəndəsi Josep Borrell sədrlik etdi və Qonşuluq və İttifaqın Genişlənməsi məsələləri üzrə Avropa İttifaqının komissarı Olivér Várhelyi iştirak etdi. Azərbaycanın nümayəndə heyətinə isə xarici işlər naziri Ceyhun Bayramov rəhbərlik etdi.

Bizimyol.info xəbər verir ki, Əməkdaşlıq Şurası iclasında Aİ-Azərbaycan arasında birgə razılaşdırılmış Tərəfdaşlıq Prioritetlərinin icrası, Azərbaycanın islahat gündəliyi, Aİ-Azərbaycan arasında yeni ikitərəfli razılaşmanın perspektivləri, koronavirus pandemiyası və onun təsiri, Dağlıq Qarabağ və onun ətrafında son dövrlərdə aparılmış genişmiqyaslı hərbi əməliyyatların ardından yaranmış vəziyyət nəzərdən keçirildi.

Ali nümayəndə Josep Borrell bildirdi: "Aİ Azərbaycanla demokratiya, insan hüquqları və fundamental azadlıqlara əsaslanan yeni iddialı və hərtərəfli bir saziş bağlamaq istəyir. Bu, Azərbaycan iqtisadiyyatının şaxələndirilməsinə, ticarət əlaqələrimizin inkişaf etməsinə və əməkdaşlığımızın hüdudlarını daha da genişləndirməyimizə kömək edəcək". "Aİ Minsk Qrupu həmsədrləri ilə sıx komplementarlıq şəklində Dağlıq Qarabağ münaqişəsinin davamlı həllinin dəstəklənməsində və formalaşdırılmasında rol oynamağa hazırdır. Bunu dəstəkləmək naminə sülh quruculuğu və yenidənqurma üzrə vasitələrimizdən istifadə etməyə hazırıq.”

Qonşuluq və Genişlənmə üzrə komissar Olivér Varhelyi demişdir: “Aİ Azərbaycanın enerji, ticarət, sərmayə və bağlantılar kimi sahələrində əsas tərəfdaşıdır. Cənub Qaz Dəhlizinin tamamlanmasında bu il əldə olunan mühüm tərəqqiyə əsaslanaraq, onun Qərbi Balkanlara qədər uzadılması imkanını araşdırmaq istəyirik. COVID-19 pandemiyası kontekstində, o cümlədən ölkənin iqtisadiyyatının şaxələndirilməsinə və səhiyyə sisteminin bərpa olunma qabiliyyətinin gücləndirilməsində göstərdiyimiz dəstəklə ölkənin sosial-iqtisadi bərpası istiqamətində Azərbaycanla işləməyə davam edəcəyik. Əlavə humanitar yardımın göstərilməsi, münaqişənin əsaslı şəkildə həll olunması istiqamətində və daha uzunmüddətli sosial-iqtisadi inkişaf naminə çalışmaq üçün 10 milyon avro ayırmağa hazırıq.”

Tərəfdaşlıq Prioritetlərinin icrasını nəzərdən keçirərkən Aİ ilə Azərbaycan enerji sektorunda əməkdaşlığın çox gözəl olduğunu qeyd etdilər. Azərbaycandan ilk qazın Cənub Qaz Dəhlizi üzərindən 2020-ci ilin sonuna qədər göndərilməsi gözlənilir. Şura iclasında eyni zamanda Azərbaycanda demokratiya, qanunun aliliyi, insan hüquqları və fundamental azadlıqlar, xüsusən birləşmə azadlığı, ifadə azadlığı və media azadlığı ilə bağlı çağırışlar da nəzərdən keçirildi. Şurada, yeni hərtərəfli saziş və Ümumi Aviasiya Məkanı Sazişi ətrafındakı danışıqların vəziyyəti müzakirə edildi.

Şura iclasında, COVID-19 pandemiyasının yaratdığı problemlərə də toxunuldu, və insanların həyat və yaşayışını, ölkədə cəmiyyət və iqtisadiyyatı yenidən bərpa etmək üçün Avropa İttifaqı tərəfindən Azərbaycanın səylərinə dəstək vurğulandı.

Aİ və Azərbaycan, cari ilin 10 noyabr tarixində hərbi əməliyyatlar dayandırıldıqdan sonra Dağlıq Qarabağ və onun ətrafındakı vəziyyət, Aİ-nin bərpa və barışıqdakı rolu, habelə regional məsələlərlə bağlı fikir mübadiləsi apardılar. Aİ-Azərbaycan arasında Əməkdaşlıq Şurasının iclası Aİ-Ermənistan arasında Tərəfdaşlıq Şurası iclasından bir gün sonra baş tutdu. Bu görüşlər Aİ-nin bölgədəki ölkələrlə

tərəfdaşlığının və Aİ-nin bölgənin bərpasına və sülhün davamlı olmasına dəstəyinin vacib olduğunu bir daha xatırladır.

Əməkdaşlıq Şurasının iclası ərəfəsində Avropa İttifaqı 2019-cu ilin aprelindən bəri Azərbaycanda və Aİ-Azərbaycan münasibətlərində baş verən son hadisələr barədə hesabat yayımladı.

Paylaş »
››› Rusiyada "Navalnı inqilabı" başlayıb: Etirazlar böyüyür - Fotolar
››› "Paşinyanın planı Ermənistanı vilayət olaraq Türkiyəyə verməkdir"
››› Nazirin açıqlamasından çıxan nəticə: Azərbaycanda təhsil düzələn deyil
››› “Köçəryan Xankəndidə qaçıb masanın altında gizləndi...” - Erməni deputata qarşı ittiham
››› Minasyan: “Ölkə xalqın vecinə də deyil, uçuruma yuvarlanırıq”
››› Yanvarın 24-nə olan hava proqnozu
››› Nazir Milli Qəhrəmanın bacısı oğlunu sərəncama göndərib
Son xəbərlər
Bütün xəbərlər »