Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
“YAŞAT” Fonduna “ASAN ödəniş” vasitəsilə də dəstək olmaq mümkündür
Asan xidmət

Azərbaycan Prezidentinin Fərmanı ilə yaradılan Azərbaycan Respublikasının ərazi bütövlüyünün müdafiəsi ilə əlaqədar yaralananların və şəhid ailələrinin təminatına dəstək fondu - “YAŞAT” Fonduna “ASAN ödəniş” sistemi vasitəsilə də ianə etmək imkanı yaradılıb. Fonda dəstək olmaq istəyən şəxslər www.asanpay.az portalında “Ən populyar ödənişlər” bölməsində ilk sırada olan “Yardım fondu” kateqoriyasına daxil olub, “YAŞAT” Fondu” bölməsini seçməklə ödənişi həyata keçirə bilərlər.

“YAŞAT” Fondu bölməsində üç kateqoriya - Azərbaycan vətəndaşları üçün, xarici vətəndaşlar üçün və anonim ödəniş kateqoriyaları mövcuddur. Azərbaycan vətəndaşları üçün ödəniş bölməsində şəxslər FİN (şəxsiyyət vəsiqəsində olan Fərdi İdentifikasiya Nömrəsi) və mobil nömrə, həmçinin VÖEN və mobil nömrələrini daxil etməklə ödənişlərini həyata keçirə bilərlər. Qeyd olunan mobil nömrə Fond tərəfindən vətəndaşa gələcəkdə bildirişlərin göndərilməsində də istifadə olunacaq.

Xarici vətəndaş üçün ödəniş bölməsində Azərbaycan Respublikası ərazisində müvəqqəti və ya daimi qeydiyyatı olan şəxslərin miqrasiya vəsiqələrində olan FİN və mobil nömrə ilə, həmçinin ad və soyadla ödənişlərin həyata keçirilməsi mümkündür.

Anonim bölməsində isə kimliyinin bilinməsini istəməyən şəxslər ödənişlərini həyata keçirə bilərlər. Ödənişlər identifikasiya prosesindən keçdikdən sonra şəxslər kart məlumatlarını daxil edərək, ödənişlərini tamamlaya bilərlər.

Fonda ödəniş etmək qaydası barədə ətraflı aşağıdakı videotəlimatda tanış olmaq mümkündür: https://youtu.be/6OMBPY3CUQI

Xatırladaq ki, çoxfunksiyalı “ASAN ödəniş” sistemi, habelə cərimə, kommunal xidmət və digər ödənişləri qısa zamanda, təhlükəsiz və rahat şəkildə həyata keçirmək imkanı yaradır. 280-dən çox qurumun cərimə, rüsum, kommunal, lizinq, kredit, icarə haqqı və digər ödənişləri “ASAN ödəniş” sisteminin www.asanpay.az ödəniş portalı və terminalları, eləcə də Android və İOS platformalarında “ASAN ödəniş” mobil tətbiqi vasitəsilə təmin edilir.

Paylaş »
››› Azərbaycanda jurnalist qətlə yetirilib
››› "Öz təhlükəsizlik xidməti Putinə qarşı işləməyə başlayıb" - Rusiyada gərginlik
››› Türkiyədən dron alan Ukrayna dronları məhv edən silah hazırladı - Foto
››› “ABŞ-ın Fransa ilə eyni mövqeyə gəlməsi, bizim üçün arzuolunmaz nəticələr verə bilər”
››› “Avropa səmalarında da Türkiyə İHA-larını görəcəyik”
››› Yunan deputat: “Türklərə döyüşmədən uduzacağıq”
››› Azərbaycan əsgəri minaya düşərək həlak olub
Son xəbərlər
Bütün xəbərlər »