Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Rusiya MN: Rusiyalı sülhməramlıların Qarabağda mühasirəyə düşməsi barədə məlumat yalandır
Rusiya sülhməramlıları Qarabağda

Dağlıq Qarabağdakı Rusiya sülhməramlılarının mühasirəyə alınması barədə məlumat həqiqətə uyğun deyil.

APA xəbər verir ki, bu barədə Rusiya Müdafiə Nazirliyinin verdiyi açıqlamada qeyd olunub.

“Rusiya sülhməramlı qüvvələrinin guya Dağlıq Qarabağdakı tərəflərdən biri tərəfindən mühasirəyə alındığı barədə məlumatlar həqiqətə uyğun gəlmir. Rusiya sülhməramlı qüvvələrinin Dağlıq Qarabağdakı bütün bölmələri həm müşahidə məntəqələrində, həm də atəşkəs rejiminə riayət olunmasına nəzarət zamanı tapşırıqları nizamlı şəkildə yerinə yetirirlər”, - deyə nazirlikdən bildirilib.

Müdafiə Nazirliyindən vurğulanıb ki, Rusiya Federasiyasının sülhməramlı kontingentinin qərargahı Azərbaycan və Ermənistan Silahlı Qüvvələrinin baş qərargahı ilə birbaşa rabitə kanalları ilə fasiləsiz qarşılıqlı əlaqədə olur, o cümlədən baş verə biləcək hadisələrin qarşısının alınmasında iştirak edir.

Nazirlik sülhməramlıların Dağlıq Qarabağda Rusiya və Azərbaycan Prezidentləri və Ermənistanın Baş naziri arasındakı razılaşmalara uyğun olaraq fəaliyyət göstərdiklərini xatırladıb. Nazirlik əlavə edib ki, atəşkəs bütün təmas xəttində müşahidə olunur.

Qeyd edək ki, bundan bir qədər əvvəl Ermənistanın Baş naziri Nikol Paşinyan “Azadlıq” radiosuna verdiyi müsahibəsində Dağlıq Qarabağda erməni hərbçiləri ilə yanaşı, rusiyalı sülhməramlıların da Azərbaycan hərbçiləri tərəfindən mühasirəyə alındığını bildirmişdi.

Paylaş »
››› "Bakı Xəzər sahillərini itirəcək" - Almaniya mətbuatı
››› "Bizə şərt irəli sürürlər ki, azərbaycanlıların hərəkətinə o vaxt icazə verərik ki..."
››› “Ey, oğlan, atandan soruş ki, Afrikaya şir ovuna getmək əvəzinə niyə orduya bir-iki PUA almırdı?...”
››› “Navalnı Putini devirə bilər” - Rusiyada siyasi durum gərginləşib
››› Nikol Paşinyan: "20 Yanvarda Bakıda qətlə yetirilənlərin ruhları qarşısında baş əyirəm"
››› "Avropa Türkiyədən aşkar geri qalır" - Azərbaycanın qələbəsinə dünyadan reaksiyalar
››› Vilayət Eyvazov polis rəisini işdən azad etdi
Son xəbərlər
Bütün xəbərlər »