Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
ABŞ Sudanı terrorçuluğu himayə edən dövlətlər siyahısından çıxarıb
Ağ Ev, Vaşonqton, ABŞ

ABŞ hökumətinin Sudanı terrorçuluğa sponsorluq edən dövlətlər siyahısından çıxarmaq qərarı bu gün qüvvəyə minib.

“Report” xəbər verir ki, bu barədə ABŞ-ın dövlət katibi Mayk Pompeo bildirib.

O bildirib ki, 1993-cü ildən davam edən sözügedən tədbir nəticəsində Sudan iqtisadiyyatı çətinliklərlə üzləşib, maliyyə yardımları qarşısında sədd çəkilmişdi.

Ötən il keçmiş prezident Ömər əl Bəşirin istefasından sonra iş başına gəlmiş keçid hökuməti dərin iqtisadi böhrana qarşı mübarizə üçün dəstək əldə edə biləcək.

M.Pompeo bu addımın ikitərəfli münasibətlərdə baş verən əsaslı dəyişikliyi əks etdirdiyini, daha böyük əməkdaşlıq əlaqələri üçün yol açdığını da qeyd edib.

Qeyd edək ki, uzun müddət davam etmiş danışıqlar zamanı Sudan tərəfi ayrı-ayrı vaxtlarda Şərqi Afrika paytaxtlarındakı ABŞ səfirliklərinə hücumlardan zərər çəkənlərə 335 milyon ABŞ dolları təzminat ödəmişdi.

Ötən 27 ildə xarici borcu 60 milyard ABŞ dollarına çatan Sudan üçün artıq beynəlxalq maliyyə yardımları üzrə daha geniş imkanlar açılır. “Bu nailiyyət iqtisadi islahatlara, sərmayələrə, rəsmi kanallardan pul köçürmələrinə, bununla da gənclər üçün yeni iş yerləri və s. müsbət işlərə geniş meydan açır”, - deyə Sudanın baş naziri Abdullah Həmdokun açıqlamasında qeyd olunur.

Paylaş »
››› Rusiyada etirazlar 100-dən artıq şəhəri bürüyüb: Putin çətin sual qarşısında - Video
››› Vladimirin yerinə Aleksey, yaxud “Navalnı inqilabı” Azərbaycana nə vəd edir
››› Qalib əsgər sosial problemlər içində boğulur - Maliyyə Nazirliyi nəyə lazımdır?..
››› Azərbaycanda son sutkada koronavirusa yoluxanların sayı açıqlandı
››› Masallı rayon Xəstəxanasının baş həkimi barəsində həbs qətimkan tədbiri seçilib
››› DİN Şəmkir polisi haqqında yayılan iddialara aydınlıq gətirdi
››› Ermənistanın hərbi analitiki: "Müharibədəki itkilərimizin sayı altı min nəfərə çatır"
Son xəbərlər
Bütün xəbərlər »