Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Azərbaycanda üz tanıma texnologiyası ilə mobil nömrələr satışa çıxarılacaq
Telefon

Azərbaycanda “SmartCell” (“Face ID”) – üz tanıma texnologiyası ilə mobil nömrələrin satışına başlanacaq.

Bu barədə “APA-Economics”ə Nəqliyyat, Rabitə və Yüksək Texnologiyalar Nazirliyi yanında Məlumat Hesablama Mərkəzindən (MHM) deyiblər.

Qeyd olunub ki, “SmartCell” – üz tanıma və elektron imza texnologiyalarını birləşdirən mobil həldir. Bu texnologiyanı istər dövlət, istərsə də özəl sektorda məsafədən onlayn əməliyyatlar aparmaq, müqavilə bağlamaq və s. kimi əməliyyatlarda istifadə etmək olar.

Sistem müştərinin iştirakı ilə real vaxt rejimində əldə edilən şəklin şəxsiyyət vəsiqəsindəki şəkil ilə eyniləşdirilməsinə, həmçinin abunə müqaviləsinin elektron imza ilə imzalanmasına imkan verir.

Bu texnologiyanın tətbiqi zamanı prosesin video-çəkilişini də təmin etmək mümkündür. “SmartCell” nömrə satış sistemi həm operatorlar, həm də müştərilər üçün bir çox üstünlüklərə malikdir.

Milli Sertifikat Xidmətləri mərkəzi tərəfindən nömrə satışı zamanı elektron imza sertifikatının təqdim edilməsi prosesi çox sadədir. Mobil tətbiqin köməyi ilə şəxsiyyət vəsiqəsi ilə üz tanınma prosesi həyata keçirilir. Bu məlumatlar əsasında şəxsə aid sertifikat sorğusu hazırlanır. Sertifikat Xidmətləri Mərkəzinin müvafiq infrastrukturuna sertifikatın alınması üçün sorğu göndərilir. Mərkəz tərəfindən verilən sertifikat proqram tərəfindən qəbul olunaraq sənədləri imzalamaq üçün tam istifadəyə hazır vəziyyətə gətirilir. Bütün proses qısa vaxt ərzində baş verir.

Paylaş »
››› "Azərbaycan hərbçiləri İrəvanda supermarketdə" - Ermənistanda həyəcan (Foto)
››› “Bu sürətlə vaksinasiyasını bitirmələri üçün 400 il vaxt lazımdır” - Açıqlama
››› Ermənistan mətbuatı Kremlin adamını "yaxaladı": "Açıq-aşkar depressiyaya düşüb"
››› Mübariz Mənsimovun bacısı: “Atam ölüm yatağında oğlunun yolunu gözləyir” - Video
››› Nikol Paşinyanın ailəsi Moskvada mənzil axtarır
››› "Əraziləri kimin 18 yaşlı oğlunun hesabına almaq istəyirsiniz?" - Vitse-spiker
››› Prezident İlham Əliyev Şuşaya yola düşüb - Video
Son xəbərlər
Bütün xəbərlər »