Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Çinin “Sinovac” vaksini sınaqlarda 97 faiz effektivlik göstərib
Vaksin - peyvənd

Koronavirusa qarşı “Sinovac” vaksininin sınaqları üzrə aralıq məlumatlarına əsasən, Çin preparatı 97 faiz effektivlik göstərib.

Trend Reuters agentliyinə istinadla xəbər verir ki, bu barədə İndoneziyanın dövlətə məxsus “Bio Farma” əczaçılıq kompaniyası məlumat yayıb. “Bir ay boyunca klinik sınaqlar aparan qrupumuz “Sinovac” vaksininin 97 faizə qədər effektivlik göstərdiyini qeydə alıb”, - deyə kompaniyanın nümayəndəsi İvan Setiavan bildirib.

Kompaniya yerli tənzimləyicinin yanvarın sonunadək “Sinovac” vaksininin fövqəladə vəziyyətlərdə istifadəsinə icazə verəcəyini gözləyir.

Bir qədər əvvəl İndoneziya Prezidenti Coko Vidodo cari ilin sonlarına qədər ölkədə koronavirus əleyhinə kütləvi vaksinasiyanın başlaya biləcəyini deyib. Prezidentin sözlərinə görə, vaksinin təhlükəsizliyi bu məsələdə prioritet təşkil edir. İlk növbədə, tibb müəssisələrinin işçiləri, polis əməkdaşları və hərbçilər peyvənd olunacaq.

İndoneziya ilk mərhələdə Çinin “Sinovac” və “Sinopharm” kompaniyalarının vaksinlərindən istifadə edəcək. Ölkəyə çatdırılacaq 18 milyon peyvənd dozasından 15 milyonu yerli “Bio Farma” əczaçılıq kompaniyası tərəfindən istehsal olunacaq. Ümumilikdə isə İndoneziya 250 milyon vaksin dozasının tədarükü barədə müqavilə imzalayıb. Müqavilə imzalanan kompaniyalar arasında Amerikanın “Novavax” şirkəti də var.

Qeyd edək ki, pandemiyanın statistikasını aparan Worldometer saytının son məlumatına əsasən, İndoneziyada indiyədək koronavirusa 586 min 842 yoluxma halı qeydə alınıb, 18 min nəfər həyatını itirib.

Paylaş »
››› "Azərbaycan təzminat əvəzinə Zəngəzuru istəyir" - Ermənistanda həyəcan
››› Bizi yoluxdururlar, yoxsa xilas edirlər?- Vaksinin qəribə xüsusiyyətləri barədə
››› Baydenin Hacınəzəryana yüksək vəzifə verməsi Azərbaycana qarşı nə vəd edir...
››› Azərbaycanda yeni mis-qızıl yatağı kəşf edilib
››› "Ərdoğan Afrikanı seriallarla ələ keçirir" - Britaniya mətbuatı
››› ABŞ Krıma müdaxilə planı hazırlayır: Rusiya narahatdır
››› Hökumətdən 190 manatlıq birdəfəlik ödəmə ilə bağlı açıqlama
Son xəbərlər
Bütün xəbərlər »