Paytaxtda fərdi yaşayış evində yanğın olub.
Bizimyol.info xəbər verir ki, Fövqəladə Hallar Nazirliyinin mətbuat xidmətindən verilən məlumata görə, Bakı şəhərinin Nərimanov rayonunda ümumi sahəsi 50 m² olan birmərtəbəli evin tavanı 20 m² sahədə və dam örtüyünün yanar konstruksiyaları 40 m² sahədə yanıb.
Evin qalan hissəsi və bitişik evlər yanğından mühafizə olunub.
Yanğın yanğından mühafizə bölmələri tərəfindən söndürülüb.
Daha bir yanğın hadisəsi Yardımlı rayonunda qeydə alınıb.
Belə ki, ümumi sahəsi 50 m² olan mağazanın yanar konstruksiyaları və içərisindəki mallar yanıb.
Yaxınlıqdakı tikililər yanğından mühafizə olunub.
Yanğın yanğından mühafizə bölmələri tərəfindən söndürülüb.