Qırğızıstan Ali Məhkəməsi sabiq prezident Almazbek Atambayevin cinayət işini yenidən baxılması üçün aşağı instansiyaya göndərib.
APA-nın TASS-a istinadən verdiyi xəbərə görə, bu barədə Ali Məhkəmənin mətbuat xidməti məlumat yayıb.
"Noyabrın 30-da Ali Məhkəmə kriminal avtoritet Aziz Batukayevin qanunsuz sərbəst buraxılması iddiası ilə bağlı iki alt instansiyanın hökmlərini ləğv edib və işi yenidən baxılması üçün Bişkekin Bir may rayon məhkəməsinə göndərib”, - deyə bildirilib.
Qeyd edək ki, məhkəmənin hökmü ilə A. Atambayev 11 il 2 ay müddətinə azadlıqdan məhrum edilib.