Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
“Vaşinqton Post”da həyəcan təbili: vəziyyət daha da pisləşəcək
Karantin koronavirus maska dezinfeksiya

Amerika alimləri yaxın həftələrdə koronavirusla bağlı vəziyyətin daha da pisləşəcəyi barədə xəbərdarlıq ediblər.

Bu haqda ABŞ-ın məşhur “Vaşinqton Post” qəzetində yazı dərc olunub.

Yazıda Amerikanın nüfuzlu alimlərinə, o cümlədən ölkənin baş infeksionisti, Milli Allergiya və İnfeksion Xəstəliklər İnstitutunun direktoru Entoni Fauçiyə istinad edilib.

“Vaşinqton Post” yazır ki, qarşıdan Milad bayramının gəldiyini xatırladan Entoni Fauçi amerikalıları sıx bayram toplantılarından, hətta ailə tədbirlərindən çəkinməyə, koronavirusa yoluxma riski doğura biləcək hər hansı hərəkətə yol verməməyə çağırıb.

Koronavirusa yoluxmaların, həmçinin virusdan ölümlərin sayının artıq rekord həddə qalxdığını vurğulayan doktor Fauçi deyib ki, qoruyucu maskalardan istifadə etmək və sosial məsafə saxlamaq həyat tərzinə çevrilməlidir.

ABŞ-ın baş cərrahı Cerri Adams həmkarına dəstək verib. O, “Fox News” kanalında insanları xəbərdar edərək deyib: “Üzümüzə gələn həftələr vəziyyət daha da pisləşəcək. Biz artıq gərgin fazaya qədəm qoymuşuq. Bunun nə qədər ağır olduğunu bilirik və yol verilən nöqsanları düzəltməyə çalışırıq”.

2019-cu ilin dekabrında Çində üzə çıxaraq dünyanı bürüyən koronavirus infeksiyasına indiyədək 63 milyondan çox adam yoluxub, onlardan 1 milyon 470 minə yaxını vəfat edib.

Ölkələr sırasında ən çox yoluxma və ölüm ABŞ-da qeydə alınıb: 14 milyona yaxın yoluxma, 273 mindən çox ölüm.

Dünyada virusa yoluxanların 43 milyondan, ABŞ-da 8 milyondan çoxu sağalıb.

Hazırda ABŞ-da koronavirusa yoluxanların 95 mindən çoxu xəstəxanalarda müalicə alır.(novator.az)

Paylaş »
››› “Lotu Quli”nin titul verdiyi “Saşa Kuşner”i armaturla vəhşicəsinə döyüb alçaltdılar
››› Rusiyada etirazlar 100-dən artıq şəhəri bürüyüb: Putin çətin sual qarşısında - Video
››› Vladimirin yerinə Aleksey, yaxud “Navalnı inqilabı” Azərbaycana nə vəd edir
››› "Qarabağla bağlı gərginlik yenidən başlaya bilər" - Andrey Manoylo
››› Novruz çərşənbələrinin vaxtı açıqlandı
››› Qalib əsgər sosial problemlər içində boğulur - Maliyyə Nazirliyi nəyə lazımdır?..
››› Azərbaycanda son sutkada koronavirusa yoluxanların sayı açıqlandı
Son xəbərlər
Bütün xəbərlər »