Təhsil naziri Emin Əmrullayev avtomobil qəzasında həlak olan Tibb Universiteti tələbələrinin yaxınlarına başsağlığı verib.
Bizimyol.info xəbər verir ki, nazir bu barədə öz facebook hesabında yazıb:
"Bu səhər çox üzücü bir xəbər aldıq. Gecə baş verən ağır yol-nəqliyyat hadisəsi nəticəsində koronaviruslu xəstələr üçün nəzərdə tutulan modul tipli xəstəxanada könüllü çalışan 3 tələbəmiz həlak olub, 1 tələbəmiz isə ağır yaralanıb.
Həlak olanlar Azərbaycan Tibb Universitetinin əczaçılıq fakültəsinin V kurs tələbəsi Sahil Mustafazadə, müalicə profilaktika fakültəsinin V kurs tələbəsi Tuncay Məmmədov və eyni fakültənin VI kurs tələbəsi Yeganə Məmmədovadır. Müalicə profilaktika fakültəsinin V kurs tələbəsi İlkin Ağamirzəyev isə hadisə nəticəsində ağır yaralanıb.
Allahdan həlak olanlara rəhmət, yaralı tələbəmizə isə şəfa diləyirəm!"
