Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
“Fransa həmsədr rolundan imtina etsə, yaxşıdır...”
Emmanuel Makron

Fransa prezidenti Emmanuel Makron ölkəsinin Dağlıq Qarabağ münaqişəsinin nizamlanmasındakı təsirlərini saxlamaq baxımından ciddi problemlə üzləşib, xüsusən də Fransadakı çoxsaylı erməni diasporunu və Azərbaycanın onu qərəzli olmaqda günahlandırdığını nəzərə alanda.

Virtualaz.org xəbər verir ki, bu haqda “Frans Press” agentliyinin məqaləsində bildirilir.

“Bir sıra analitiklər təxmin edirlər ki, əgər Fransa xüsusən Azərbaycan və onun müttəfiqi Türkiyə ilə mürəkkəb münasibətlərini nəzərə almaqla öz rolundan, yəni Minsk Qrupunun həmsədri statusundan imtina etsə daha faydalı olardı”,-agentlik yazır.

Xatırladılır ki, Qarabağda müharibə başlayandan bəri Fransa prezidenti Emmanuel Makron tərəflərdən birini müdafiə edib, Azərbaycanı açıq tənqid edib və onun müttəfiqi Türkiyəni “regiona cihadçıları gətirməkdə” günahlandırıb. Habelə münaqişənin həllinin Rusiya və Tükiyənin ixtiyarına buraxılmasını yolverilməz adlandırıb, problemi Minsk Qrupunun həll etməli olduğunu deyib.

Yerevan hərbi məğlubiyyətə uğrayanda və baş nazir Paşinyan Rusiya prezidenti Putinin nəzarəti altında təslim olmaq sənədini imzalayanda Fransa neqativ reaksiya ilə qarşılaşdı. Hərçənd Fransa münaqişədə neytrallığı saxladığına inandırmağa çalışır, amma getdikcə belə təkliflər çoxalır ki, Paris Minsk Qrupundakı mövqeyindən imtina etməlidir. Bu isə Fransa üçün çox mənfi təkliflərdir, çünki ölkə özünün beynəlxalq nüfuzunu möhkəmləndirmək istəyir.

“Situasiyaya Fransa parlamentinin Makronun sağçı opponentlərinin nəzarətində olan yuxarı palatasının noyabrın 25-də qəbul etdiyi, Dağlıq Qarabağın tanınmasını nəzərdə tutan, sırf simvolik qərarı da kömək etmədi. Hansı ki, bu addımı heç Yerevan özü atmayıb”,-agentlik qeyd edir.

“Fransa özünün həmsədr olundan başqa Avropa ölkəsinin və ya bütün Avropa İttifaqının mövqeyinin xeyrinə olaraq imtina etmək barədə düşünməlidir. O, həmin mövqeni 23 ildir ki, tutur və Almaniya, İsveç kimi Azərbaycanla, Ermənistanla daha balanslaşdırılmış münasibətlərə malik olan ölkələr yəqin daha çox iş görə bilərdi”,-Qarabağ münaqişəsi üzrə beynəlxalq ekspert Tomas de Vaal agentliyə açıqlamasında deyib.

“Minsk Qrupu yarandığı formada artıq ölüdür. Bu kiminsə xoşuna gəlir, ya yox, amma Vladimir Putin ustalıqla oynadı. Və türklər də qapıya qol vurdu”,-bunu isə Fransanın beynəlxalq və strateji münasibətlər İnstitutunun (IRIS) direktor müavini Didye Billion vurğulayıb. Onun sözlərinə görə, Fransa Ermənistanın tərəfini tutmaqla “oyundan kənar” aldı, hərçənd onun həmsədr statusu ölkənin neytral qalmasını nəzərdə tuturdu

Paylaş »
››› Rusiyada "Navalnı inqilabı" başlayıb: Etirazlar böyüyür - Fotolar
››› "Paşinyanın planı Ermənistanı vilayət olaraq Türkiyəyə verməkdir"
››› Nazirin açıqlamasından çıxan nəticə: Azərbaycanda təhsil düzələn deyil
››› Təhsil naziri məktəb direktorlarının problemli videolarından danışdı
››› Minasyan: “Ölkə xalqın vecinə də deyil, uçuruma yuvarlanırıq”
››› “Köçəryan Xankəndidə qaçıb masanın altında gizləndi...” - Erməni deputata qarşı ittiham
››› Yanvarın 24-nə olan hava proqnozu
Son xəbərlər
Bütün xəbərlər »