Ağcabədi rayonunda fərdi yaşayış evində yanğın olub.
Bizimyol.info xəbər verir ki, Fövqəladə Hallar Nazirliyindən verilən məlumata görə, ümumi sahəsi 110 m² olan birmərtəbəli 3 otaq və aynabənddən ibarət evin aynabəndinin və dam örtüyünün yanar konstruksiyaları 50 m² sahədə yanıb.
Evin qalan hissəsi yanğından mühafizə olunub.
Yanğın yanğından mühafizə bölmələri tərəfindən söndürülüb.
FHN-dən verilən məlumatda bildirilir ki, daha bir yanğın hadisəsi isə Bakı şəhərinin Xətai rayonunda qeydə alınıb.
Belə ki, ümumi sahəsi 80 m² olan birmərtəbəli mansarda tipli kafenin mansardasının yanar konstruksiyaları 80 m² sahədə yanıb.
Kafenin qalan hissəsi və yaxınlıqdakı ev yanğından mühafizə olunub.
Yanğın yanğından mühafizə bölmələri tərəfindən söndürülüb.