Bu gün Argentinadakı Kasa Rosada prezident sarayında Dieqo Maradona ilə vida mərasimi keçiriləcək.
"Report" yerli mətbuata istinadən xəbər verir ki, mərasim yerli vaxtla saat 06:00-da (Bakı vaxtı ilə 13:00) başlayacaq.
Əfsanəvi futbolçunun yaxınlarının istəyi ilə vida etmək istəyənlərin qəbulu saat 16:00-da (Bakı vaxtı ilə 23:00) başa çatacaq. Hazırda sarayın qarşısında çox sayda insan toplaşıb.
Qeyd edək ki, Dieqo Maradona dünən 60 yaşında ürəktutmasından vəfat edib.