Rusiyanın "Lukoil" şirkətinin ən bədbin ssenarisinə görə, neftin bir barelə olan qiyməti 40 ABŞ dollar səviyyəsində olacağını gözlənilir. Şirkət 50 dollar qiymətini isə obyektiv olaraq haqlı hesab edir.
"APA-Economics" xəbər verir ki, bunu şirkətin vitse-prezidenti Leonid Fedun "Kommersant" qəzetinə deyib.
"Ən bədbin ssenarinin 40 dollar olduğunu düşünürük, lakin obyektiv olaraq bir barel üçün qiymətin 50 dollar səviyyəsi məqbuldur", - deyə L. Fedun qeyd edib.
Qeyd edək ki, hazırda dünya bazarlarında "Brent" neftinin qiyməti təxminən 46 dollar, WTI markalı neftin qiyməti isə 43 dollar təşkil edir.
