Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Millət vəkili Ramil Həsənin həyat yoldaşı axtarışa verilib
Femida

Azərbaycan Milli Məclisinin deputatı Ramil Həsənin həyat yoldaşı Yekaterina Həsən axtarışa verilib. Moldova hüquq-mühafizə orqanları onu atasının iradəsinə zidd olaraq, uşağı qanunsuz olaraq aparmaqda günahlandırır.

Məhkəmə Yekaterina Həsənin qızı Malikanın hər iki valideynin razılığı olmadan ölkə hüdudlarından kənara aparılmasını qadağan edib. Qız gizli şəkildə Azərbaycana gətirilib, əslində, onu oğurlayıblar. Bu 2020-ci ilin fevral ayında baş verib. Yeri gəlmişkən, əvvəllər millət vəkili Ramil Həsən diplomatik toxunulmazlığından istifadə edərək dəfələrlə onu Kişinyov nəzarətində olmayan separatçı Dnestryanı bölgəsi vasitəsilə ölkədən çıxarıb.

Polis Malikanın qaçırılması ilə əlaqədar Cinayət Məcəlləsinin 207-ci maddəsi – "Uşaqların ölkə hüdudlarından kənara qanunsuz çıxarılması" əsasında cinayət işi açıb. Moldovada bu cinayət 2 ildən 6 ilədək müddətə azadlıqdan məhrumetmə ilə cəzalandırılır.

Malika atası ilə birlikdə yaşamalıdır - Moldova Ədalət Məhkəməsinin hökmü belədir. Bu, ər-arvadı uşağı qanunsuz olaraq Moldovadan çıxarmağa sövq edib. Artıq bu iş bütün məhkəmə instansiyalarından keçib. Ali Məhkəmə Palatası atasını Malikanın qəyyumu təyin edərək bu məsələyə son qoydu.

Yekaterina qəyyumluq orqanları tərəfindən müəyyən olunan qızla atası arasındakı görüş cədvəlini daim pozub ki, bu da başqa bir məhkəmə istintaqına səbəb olub. Bu günlərdə hökm çıxarılıb, Yekaterina Həsən yenidən uduzub.

Atasının qızı ilə telefonla əlaqə qurmaq və ya onunla görüşmək üçün bütün cəhdləri qəti imtina ilə nəticələnir. Yekaterina Həsən və onun deputat əri Malikanı tam izolyasiya ediblər.

Paylaş »
››› Şəhid məzarlarına münasibət Ermənistanı sevindirdi
››› Qaradağda basdırılan şəhidin xanımı: Biz təxribatçı deyilik, şəhidlərimizin su içində yatmasına razılaşmayacağıq
››› Azərbaycanın ərazisində erməni generalına heykəl qoyulub
››› Yanacağın qiyməti artandan sonra qida və dərman məhsulları sürətlə bahalaşır
››› Ermənilər Qarabağda təxribatlara davam edirlər
››› Türkiyənin Qarabağda Birgə Mərkəzdə işi nədən ibarət olacaq... - Açıqlama
››› Şuşaya təyin edilən xüsusi nümayəndə kimdir...
Son xəbərlər
Bütün xəbərlər »