Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Azərbaycanlı alimin COVID-19-a aid tədqiqatı nüfuzlu jurnalda dərc olunub
Nuran Abdullayev

Almaniya-Azərbaycan Radioloji və Neyroradioloji Cəmiyyətinin sədri, Köln Universiteti Klinikasının tibb elmləri doktoru, azərbaycanlı alim Nuran Abdullayev COVID-19-la bağlı daha bir elmi tədqiqat aparıb.

Tədqiqat dünyaca məşhur tibb mütəxəssisləri və ekspertlər tərəfindən nüfuzlu elmi “Bone” jurnalında dərc olunmağa qəbul edilib.

Belə ki, ilk dəfə olaraq azərbaycanlı alim tərəfindən “Sümük sıxlığının və sümükdə olan mineral dəyişikliklərin COVID-19-un kliniki gedişatına təsiri” ilə bağlı aparılan elmi tədqiqatda bir sıra məqamlara toxunulub.

Müəllif tədqiqatda hələ 2017-ci ildə dünyada ilk dəfə tətbiq etdiyi üsuldan - kompütertomoqrafiya vasitəsilə xüsusi metodla sümük sıxlığının ölçülməsindən istifadə edib.

Elmi əsərdə sümük sıxlığı ilə yanaşı sümüyün müvafiq mineral dəyişiklikləri də ölçülüb. Tədqiqat nəticəsində bəlli olub ki, sümük sıxlığı aşağı olan insanlar COVID-19 virusuna yoluxarkən xəstəliyi ağır keçirirlər. Tədqiqatda digər alimlər tərəfindən bunun yaşla əlaqəli olması və insanlarda yaşlandıqca sümük sıxlığının azalması ilə bağlı irəli sürülən iddialara cavab verilib.

Belə ki, yaş faktorunu nəzərə almadan tədqiqatın nəticəsi dəyişməyib. Bununla o qənaətə gəlinib ki, yaşından asılı olmayaraq sümük sıxlığı aşağı düşən və müvafiq mineral dəyişiklikləri olan insanlar virusa yoluxduqda xəstəliyi ağır şəkildə keçirirlər.

Tədqiqatla sübut olunub ki, COVID-19 xəstəsinin ağciyərlərinin kompütertomoqrafiyasını alan zaman sümük sıxlığı haqqında məlumat əldə etmək mümkündür. Qeyd olunub ki, həkimin məhz bununla da xəstəliyin ağırlaşma riski barədə əvvəlcədən məlumat əldə etməsinə imkan yarana bilər.

Qeyd edək ki, “Bone” jurnalı sümük sistemi sahəsində dünyada ciddi elmi məqalələrə görə ən çox oxunan və sitat olunan jurnaldır.

Xatırladaq ki, N.Abdullayev COVID-19 virusu ilə bağlı dünya elminə mühüm elmi tədqiqatlar və tutarlı elmi nəticələr təqdim edən ilk azərbaycanlı alimdir. Onun virusun öyrənilməsi, xəstəliyin müxtəlif xəstələrdə öncədən söylənilə biləcək proqnozu və kliniki gedişi barədə bir neçə elmi tədqiqatı nüfuzlu elmi jurnallarda dərc olunub.(report)

Paylaş »
››› Vladimirin yerinə Aleksey, yaxud “Navalnı inqilabı” Azərbaycana nə vəd edir
››› Qalib əsgər sosial problemlər içində boğulur - Maliyyə Nazirliyi nəyə lazımdır?..
››› Azərbaycanda son sutkada koronavirusa yoluxanların sayı açıqlandı
››› Ermənistanın hərbi analitiki: "Müharibədəki itkilərimizin sayı altı min nəfərə çatır"
››› Masallı rayon Xəstəxanasının baş həkimi barəsində həbs qətimkan tədbiri seçilib
››› Şirvan xəstəxanasında özbaşınalıq: Tibbi heyət Baş həkimdən narazılıq edir - Video
››› DİN Şəmkir polisi haqqında yayılan iddialara aydınlıq gətirdi
Son xəbərlər
Bütün xəbərlər »