Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Sahibə Qafarova: “Fransa ilk günlərdən qeyri-obyektiv mövqe sərgiləyib”
Sahibə Qafarova

“Noyabrın 10-da Azərbaycan Prezidentinin, Ermənistan Baş nazirinin və Rusiyanın Prezidentinin imzaladığı birgə bəyanatla Dağlıq Qarabağ münaqişəsinə son qoyuldu. Bu gün bəyanatdan irəli gələn müddəalara əsasən, Azərbaycan Ordusu Ağdama daxil oldu”.

Bizimyol.info xəbər verir ki, bunu Milli Məclisin bu gün keçirilən iclasında parlamentin sədri Sahibə Qafarova deyib.

Sədr bu münasibətlə hər kəsi təbrik edib: “Bu bəyanat bir çox regional ölkələr tərəfindən dəstəklənib. Lakin təəssüflər olsun ki, bundan narahat olan qüvvələr də var. Bunlar sırasında Fransanın bəzi dairələri də var. Xatırladıram ki, Fransa ilk günlərdən qeyri-obyektiv mövqe sərgiləyib və qərəzli mövqe ortaya qoyub. Bir neçə gün öncə isə Fransa senatında olan əsas 5 fraksiyanın rəhbərləri Azərbaycan torpaqlarında yaradılan qondarma qurumun tanınması ilə bağlı qətnamə irəli sürüb. Hətta Fransadan bəzi nümayəndələr qondarma quruma qarşı loyal münasibət göstərib. Fransanın siyasi rəhbərliyi ATƏT-in Minsk Qrupunun həmsədri kimi qərəzli mövqe ortaya qoyub. Atılan addımlar Azərbaycanın ərazi bütövlüyünə və suverenliyinə qarşı qərəzli mövqe ortaya qoyur. Vasitəçi mandatı beynəlxalq hüquqla müəyyənləşdirilmiş prinsiplərə söykənməlidir. Bu məsələlər beynəlxalq hüquqi sənədlərdə də aydın şəkildə göstərilib. Milli Məclisin Fransa ilə parlamentlərarası dostluq qrupunun rəhbəri və üzvləri, eyni zamanda Milli Məclisin beynəlxalq münasibətlər komitəsi bu məsələni diqqətdə saxlamalıdır”.

Gülnarə ƏMİRQIZI

Paylaş »
››› Şəhid sayılaraq "dəfn olunan" əsgərin sağ olduğu məlum olub
››› Baş həkim ani qərarla 30 yaralını ölümdən qurtarıb
››› Çavuşoğlu ilə Pompeo arasında mübahisə yaşandı
››› “Anamı görmək istəyirəm” – Şəhidin son arzusu
››› Ermənistan qəzeti: “Ölkə uçurumun kənarındadır”
Son xəbərlər
Bütün xəbərlər »