Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Tanınmış jurnalist Vətən müharibəsi iştirakçılarına görə Milli Məclisə müraciət etdi
Milli Məclis

Tanınmış jurnalist Azər Qismət Azərbaycanın ərazi bötüvlüyü uğrunda döyüşən əsgərlərin, eyni zamanda şəhid ailələrinin cəmiyyətdə fərqləndirilməsi üçün döş nişanlarının hazırlanması təklifi ilə Milli Məclisə müraciət edib.

Bizimyol.info xəbər verir ki, müraciətdə deyilir:

"Hörmətli sədr!

Hörmətli millət vəkilləri!

Sentyabrın 27-dən etibarən başlanan Vətən müharibəsində Azərbaycanın minlərlə əsgəri torpaqlarımızın işğaldan azad edilməsi zamanı qəhrəmanlıq nümunəsi göstərdilər. Döyüşlər zamanı həlak olanlar, əlil düşənlər oldu.

İşğal olunmuş torpaqlarımızın azadlığı uğrunda başlanan Vətən müharibəsi Azərbaycanın tam qələbəsi ilə başa çatdı, torpaqlarımız işğaldan azad olundu, tarixi Bəyanat imzalandı. Düşmən bütün cəbhələrdə sarsıdıcı məğlubiyyətə düçar oldu.

Azərbaycan Respublikasının ərazi bötüvlüyü uğrunda döyüşən əsgərlərin, eyni zamanda şəhid ailələrinin cəmiyyətdə fərqləndirilməsi üçün döş nişanlarının hazırlanmasına zərurət yaranıb. Sizdən xahiş edirəm ki, Milli Məclisin növbəti iclaslarının birində “Vətən müharibəsi veteranı”, “Şəhid valideyni”, “Şəhid övladı”, “Vətən müharibəsi əlili” döş nişanlarının hazırlanmasına dair qərar qəbul edəsiniz.

Döş nişanlarının yaradılması cəmiyyətdə həmin insanlara hörmətin aşılanması, xüsusi statusla qəbul edilməsi yönümündə əhəmiyyətli dərəcədə vacib addım olar".

Paylaş »
››› Erməni valideynlər İlham Əliyevdən kömək istəyir
››› Lavrov Dnestryanıdan Rusiya qoşunlarının çıxarılmasının nəticələri ilə bağlı xəbərdarlıq edib
››› Cərrah: Şuşa alınandan sonra 3 gün əməliyyatdan çıxmadıq - Foto
››› Müharibə qurtardı: Sonrakı mərhələ nə olacaq?..
››› NATO Baş katibindən Dağlıq Qarabağda və onun ətrafında hərbi əməliyyatların dayandırılması ilə bağlı açıqlama
Son xəbərlər
Bütün xəbərlər »