Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Elçin Axundzadə: Ermənistan təzminatı ödəyə bilməsə, öz ərazisindən torpaq verməlidir
Elçin Axundzadə

Dünən Beynəlxalq İnsan Haqları Komitəsinin (Human rights) Azərbaycan üzrə direktor müavini, ehtiyatda olan zabit, politoloq Elçin Axundzadənin təşkilatçılığı ilə Azərbaycanda fəaliyyət göstərən diplomatik korpus, hərbi ataşşe, millət vəkilləri , Qızıl Aypara Cəmiyyəti, Dünya Kazakları Cəmiyyətinin Bakı nümayəndəliklərinin və media nümayəndələrinin iştirakı ilə beynəlxalq konfrans təşkil olunub. Konfrans iştirakçıları 3 dildə çıxış etməklə bütün qonaqların məlumatlanmasına səy göstərdilər.

Tədbirdə çıxış edən Elçin Axundzadə Rusiya, Azərbaycan və Ermənistan arasında imzalanmış bəyannamənin insanlarda yaratdığı narahatlıqlar barədə danışaraq, sual altında qalan problemlərə işıq tutdu.

"Mən bu gün istəyirəm bu bəyannaməyə , eləcə də böyük qələbəmizə kölgə salmaq istəyən insanlara üzümü tutam. Əslində heç kim buna cəsatrət etməz. Sadəcə narahatlıq var. O da Rusiya tərəfindən keçmişdə Azrbaycana edilən haqsızlıqlardan qaynaqlanır. Biz Xocalı faciəsini, 20 Yanvar gecəsini, XI Qızıl ordunun Azərbaycana gəlişini unutmamışıq. Qan yaddaşımız bizə oyaq olmaq əmri verib. Amma unutmaq olmaz ki, bizim indi şanlı, qüdrətli ordumuz, Ali Baş Komandanımız, Türkiyə kimi dostumuz var. Bu müqavilə bizə tam gözlədiyimizi verməyib, amma çox şey bəxş edib.Azərbayca güclü dövlətdir və günü gündən də güclənəcək. Ona görə Qarabağda rus hərbiçilərinin varlığı bu qədər narahatlığa səbəb olmamalıdır. Saziş bizə nə deyir?

Daxili məcburi köçkünlər və qaçqınlar Dağlıq Qarabağın ərazisinə və ətraf rayonlara geri qayıdır, hərbi əsirlər, girovlar və digər saxlanılan şəxslərin, habelə cəsədlərin mübadiləsi həyata keçirilir, bölgədəki bütün iqtisadi və nəqliyyat əlaqələri bərpa edilir, Naxçıvan Muxtar Respublikası ilə Azərbaycanın qərb rayonlarını birləşdirən yeni nəqliyyat kommunikasiyalarının inşası təmin ediləcəkdir. Bu hələ əldə edilən uğurların yalnız bir hissəsidir. Bundan əlavə ağır qış şəraitində şəhid və yaralı vermədən Kəlbəcər , Laçın, Ağdam rayonları düşmənlərdən boşaldılacaq. Azərbaycanda yaşayan ermənilər Azərbaycan pasportu ilə yaşayacaq, Azərbaycan qanunlarına tabe olacaqlar. Laçın dəhlizi Azərbaycanın mülkiyyətindədir.Xankəndinin ətrafında rus sülhməramlıları olsa da, onların arxasında azərbaycanlılar və türklər də dayanacaq. Yəni Rusiya burda hegemonluq imkanını itirir. Biz bunu Gürcüstanla , Dnestryanı ilə eyniləşdirə bilmərik. Çünki geosiyasi mövqeyimiz fərqlidir, şərtlər və şərait fərqlidir.

Martuni Hadrut, Qırmızı Bazar ləğv olunub, Xocavəndin ərazisinə daxil edilib. Xocavənddə isə Azərbaycan idarəçiliyi, güc strukturları və qanunları hökm sürəcək. Əskəran, Xocalı və Xankəndi Xocalıya tabe olundu, Xocalı Xankəndinin qəsəbəsi olacaq. Ağdərə ləğv olundu, Kəlbəcər, Goranboy və Tər-tərin arasında bölündü. Bütün bunlar bizim 10-20 il sonrakı tariximiz üçün hesablanıb ki, ermənilər daha ərazi davası döyə bilməsinlə. Mən hesab edirəm ki, bu gün ermənilərin Kəlbəcərdə, Ağdamda etdikləri vandallığa baxmayaraq, biz qalib dövlət olaraq 30 il ərzində ölkəmizə vurulmuş ziyanının təzminatını tələb edəcəyik.Beynəlxalq məhkəmələrə veriləcək, haqq yerini tapacaq. Əlbəttə, nəyi, necə edəcəyini Prezidentimiz İlham Əliyev daha yaxşı bilir. O da bəyan etdi ki, Azərbaycan təzminat tələb edəcək.

Mən hesab edirəm ki, əgər Ermənistanın 250 milyard təzminatı ödəməyə iqtisadi gücü yoxdursa, dünyada qəbul edilmiş qanunlarla öz ərazisini verməlidir. Mən bunu Beynəlxalq İnsan Haqları Komitəsinin nümayəndəsi olaraq dilə gətirirəm",- deyə Elçin Axundzadə qeyd edib.

Qeyd edək ki, tədbirdə Bizimyol.info-nun xarici hərbi ataşşelərə ünvanladığı " Sizin təmsil etdiyiniz ölkələr Rusiyanın ATƏT Minsk qrupunun üzvlərindən ayrı birtərəfli qaydada sülh bəyannaməsi imzalamasından və bu missiyanı üzərinə götürməsindən narahat olurmu?" sualı cavabsız buraxıldı.

İlhamə Rəsulova

Paylaş »
››› "Sanki dəniz dalğaları ilə mübarizə aparırdıq, terminator kimi gəlirdilər" - Ermənistan əsgərindən etiraf
››› Ermənistan prezidenti Moskvada “xain!” adlandırıldı
››› Füzulidə minaya düşən avtomobildə 5 mülki şəxs həlak oldu
››› Fuat Oktay: “Türkiyə hərbçiləri ən qısa zamanda Azərbaycanda olacaq”
››› Korotçenko Paşinyanın Moskvadan nə istəyəcəyindən danışdı
Son xəbərlər
Bütün xəbərlər »