Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
SOCAR Kanadanın neft şirkətinə yekun ödənişi edəcək
SOCAR

Kanadanın “Zenith Energy” şirkəti Azərbaycanın quruda yerləşən "Muradxanlı-Cəfərli-Zərdab” neft yataqları bloku üzrə Müqavilə Reabilitasiya Sahəsinin Azərbaycan Dövlət Neft Şirkətinə (SOCAR) təhvilvermə prosesini tam olaraq yekunlaşdırıb.

“Report” xəbər verir ki, bu barədə Kanada şirkəti məlumat yayıb.

Məlumatda deyilir ki, şirkət Azərbaycandakı törəmə şirkətinin bu yaxınlarda SOCAR-dan keçmiş neft hasilatı üçün ümumilikdə təqribən 85 000 ABŞ dolları məbləğində ödəmə aldığını təsdiqləyib.

Bundan əlavə, şirkətin yerli törəmə şirkəti SOCAR-dan nəzərdə tutulmuş qaydada yekun ödəniş alacağını gözləyir və aldıqdan sonra bazarı müvafiq qaydada yeniləyəcək.

Bundan öncə də xəbər verilmişdir ki, təhvilvermənin nəticəsi olaraq “Zenith” Azərbaycanda neft hasilatını dayandırıb və hasilatla məşğul olan təxminən 170 nəfərlik işçi heyəti SOCAR-ın tərkibinə keçib.

Qeyd edək ki, 2016-cı il martın 16-da Bakıda SOCAR və “Zenith Aran Oil Company Ltd.” şirkətləri arasında “Muradxanlı-Cəfərli-Zərdab” neft yataqlarının daxil olduğu blokun bərpası, kəşfiyyatı, işlənməsi və hasilatın pay bölgüsü haqqında (PSA) saziş imzalanıb. Saziş Azərbaycan Milli Məclisi tərəfindən 2016-cı il iyunun 14-də ratifikasiya olunub. Yataqlardan hasilat 2016-cı il avqustun 11-də başlanıb.

Paylaş »
››› Gözünü itirən qazimiz həkimin davranışından şikayət edir- Video
››› Şuşadan gedən ermənilər şikayətlənir: “On gündən bir yardım...”
››› Əsl qəhrəman olduğunu ölüm kağızından öyrəndi: "Qovuşduq nə çətin, ayrıldıq nə asan..."
››› Nazirlikdən Xankəndi ilə bağlı vacib açıqlama
››› Rəsmi açıqlama: Bu evi SOCAR sökməyib
Son xəbərlər
Bütün xəbərlər »