Yenicag.az xəbər verir ki, Moskvada yaşayan Andrey Emelyannikov adlı gənc müəlliminin boğazını kəsib, daha sonra intihar edib.

Maraqlıdır ki, 18 yaşlı gənc intihar etməmişdən öncə boğazını kəsdiyi müəllimi ilə selfi çəkərək sosial şəbəkədə paylaşıb.

Qeyd edək ki, öldürülən müəllim 44 yaşlı 3 uşaq atası Sergey Danilovdur. Məlum olub ki, intihar edən gənc müəllimini internetdə oynadığı bir oyuna görə öldürüb. Bu oyunu oynayan şəxslər intihar etməmişdən öncə bəzi vəzifələri yerinə yetirməlidir. “Mavi balina” tərzində olan oyun da Rusiyada çox məşhurdur.