Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Gülər Əhmədovanın həbsdə olan oğlunun cəzası azaldıldı
Gülər Əhmədova

Bakı Apellyasiya Məhkəməsi keçmiş deputat Gülər Əhmədovanın həbsdə olan oğlu Toğrul Əhmədov haqqında hökmü dəyişib.

Məhkəmədən Bizimyol.info-ya bildirilib ki, 33 yaşlı T.Əhmədovun cəzası azaldılıb.

Toğrul Əhmədov Toğrul Əhmədov

T.Əhmədov bu ilin fevralından həbsdədir. Onun haqqında hökm iyulun 24-də Nərimanov rayon Məhkəməsində çıxarılıb. Hökmə əsasən, T.Əhmədov Cinayət Məcəlləsinin 228.1 (qanunsuz silah saxlama) maddəsilə təqsirli bilinərək, 2 il azadlıqdan məhrum edilib.

T.Əhmədovun vəkili hökmdən apellyasiya şikayəti verib. Bakı Apellyasiya Məhkəməsi təxminən bir aylıq araşdırmalardan sonra hökmü dəyişib. Bu instansiyada da T.Əhmədov təqsirli bilinib, amma cəzası 2 ildən 1 il 6 aya endirilib.

Vaxtilə Maliyyə Nazirliyinin əməkdaşı olmuş T.Əhmədov Baş Mütəşəkkil Cinayətkarlıqla Mübarizə İdarəsinin əməkdaşları tərəfindən Nərimanov rayonu ərazisində saxlanılıb. Onun avtomobilindən tapança və partonlar tapılıb.

2000-ci ildən 2012-ci ilə qədər deputat olmuş Gülər Əhmədova özü də Cinayət Məcəlləsinin 178 (dələduzluq) və 307-ci (cinayəti bilib xəbər verməmə) maddələrilə 1 il 3 ay həbsdə olub. O, Azərbaycan Beynəlxalq Universitetinin sabiq rektoru Elşad Abdullayevin deputat olması üçün ondan 1 milyon almaqda ittiham edilirdi. Sabiq deputatla rektor arasındakı söhbətin videogörüntüsü yayılsa da, G.Əhmədova həmin kadrların montaj olduğunu iddia edirdi.

Paylaş »
››› "Saysız düşmən əsgəri öldürdüm, balaca bir erməni körpəsinin həyatını xilas etdim”- Qazi
››› Azərbaycan ordusunun düşmənə qarşı istifadə etdiyi unikal fənd
››› Paşinyanın sosial şəbəkə trollarına verdiyi aylıq maaş məlum oldu
››› Şuşada əsir düşmüş xüsusi təyinatlımız: "Yaralarıma duz, istiot tökürdülər"
››› Türkiyə MN: "Bütün imkanlarımızla Azərbaycanı haqlı mübarizəsində dəstəkləyəcəyik"
Son xəbərlər
Bütün xəbərlər »