“Moskvada Azərbaycan və Ermənistan Xarici İşlər nazirlərinin görüşü keçiriləndən sonra ABŞ da nazirlərin görüşünü təşkil etmək istədi. Rəsmi Vaşinqtonun Azərbaycana təsir etmək imkanları yoxdur”.
Bunu Bizimyol.info-ya açıqlamasında politoloq Elxan Şahinoğlu bildirib.
Politoloq qeyd edib ki, Rəsmi Vaşinqtonun Azərbaycanı atəşkəsə, sülhə və ya danışıqların bərpa edilməsinə təsir etmək imkanları yoxdur: “ABŞ sadəcə Rusiyadan geri qalmamaq üçün bu görüş təşkil edildi. Guya Amerikanın da bölgədə maraqları var. Görüşdə sadəcə müzakirələ olacaq”.
E.Şahinoğlunun sözlərinə görə, Ermənistan-Azərbaycan Dağlıq Qarabağ münaqişəsilə bağlı hələ o mərhələdə deyilik ki sülhməramlı mövzusu müzakirə olunsun: “Bu, ermənilərin maraqlarına xidmət edir. Sülhməramlılar Rusiyadan olmamalıdır. Neytral dövlətlər olmalıdır. Rusiya olacaqsa, Türkiyə də olmalıdır”.
Ramid İbrahimov