Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
“ASAN xidmət” təmsilşisi BMT-nin iclasında erməni təxribatlarından danışdı
Azər Bayramov

14-16 oktyabr tarixində BMT-nin Ticarət və İnkişaf üzrə Konfransı Təşkilatının (UNCTAD) “Elektron ticarət və rəqəmsal iqtisadiyyat üzrə hökumətlərarası ekspert qrupu”nun 4-cü iclası keçirilib.

Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyindən verilən məlumata görə, hökumətlərarası ekspert qrupunun əsas məqsədi rəqəmsal iqtisadiyyatın dünya ölkələri üzrə qeyri-bərabər inkişaf etdiyini nəzərə alaraq elektron ticarətin imkanlarından faydalanmaqda və mövcud çətinliklərin aradan qaldırılmasında inkişaf etməkdə olan ölkələrə dəstək olmaqdır. İclasda “Rəqəmsal platformalar və inkişaf etməkdə olan ölkələrdə dəyər yaradılması: milli və beynəlxalq siyasətə təsirlər” mövzusu, həmçinin elektron ticarət və rəqəmsal iqtisadiyyatın ölçülməsi üzrə işçi qrupun 1-ci iclasının hesabatı ətrafında müzakirələr aparılıb.

Ekspert qrupunun sessiyasında Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi sədrinin müşaviri Azər Bayramov iştirak edib və ölkəmizdə rəqəmsal iqtisadiyyatın və elektron ticarətin inkişafı ilə bağlı çıxış edib. Çıxışda Azərbaycanın Avrasiya regionunda rəqəmsal, logistika və ticarət mərkəzinə çevrilməsi istiqamətində həyata keçirilən layihələr barədə ətraflı məlumat verilib.

Eyni zamanda 27 sentyabr tarixindən başlayaraq Ermənistan silahlı qüvvələrinin Azərbaycan Respublikasının mövqelərini və yaşayış məntəqələrini atəşə tutaraq Azərbaycana qarşı növbəti təcavüzə başlaması, Azərbaycanın sıx məskunlaşmış yaşayış yerlərinin və mülki şəxslərinin məqsədyönlü atəşə tutulduğu diqqətə çatdırılıb. Ermənistan qoşunlarının Azərbaycanın işğal olunmuş ərazilərindən tam və qeyd-şərtsiz çıxarılmasını tələb edən BMT Təhlükəsizlik Şurasının qətnamələrinin yerinə yetirilməməsi barədə iclas iştirakçılarına məlumat verilib.

Paylaş »
››› "Azərbaycan əsgərləri qayıdanda vəziyyətin başqa cür olacağını deyiblər" - Erməni mətbuatı
››› Azərbaycana qarşı siyasi qərar: Mxitaryana göz yuman UEFA "Qarabağ"ı cəzalandırdı
››› Ermənistan parlamentində dava düşüb - Video
››› "Türk qoşunları Azərbaycana dəvət olunmalıdır: Rusa güvənmək olmaz"
››› “Associated Press”in Ağdamdan reportajı: “Sanki 12 bal gücündə zəlzələ baş verib”
Son xəbərlər
Bütün xəbərlər »