Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Çavuşoğlu: “Sülh ən çox Ermənistanın lehinə olar”

“Ermənistan hazırda özünü təcrid etmiş bir vəziyyətdədir. Ermənistan buna başqasının torpaqlarını işğal edərək nail olub. Dağlıq Qarabağ münaqişəsinin həlli, sülh ilk növbədə Ermənistanın lehinə olar”.

APA-nın xəbərinə görə, bunu Türkiyənin Xarici İşlər naziri Mövlud Çavuşoğlu italiyalı həmkarı Luici Di Maio ilə birgə mətbuat konfransında deyib.

O bildirib ki, Ermənistanın sülh yolunu, ya münaqişəni seçməsi istiqamətində qərar verməsi önəmlidir: “Regionda sülhə nail olmaq hər bir ölkənin xeyrinədir. Beynəlxalq təşkilatlar da bu məsələdə Ermənistanı münaqişəyə yox, sülhə həvəsləndirməlidir. Hazırda Azərbaycan öz torpaqlarında terrorizmlə mübarizə aparır. Cənab Prezidentimiz Rəcəb Tayyib Ərdoğan da dəfələrlə bildirib ki, Azərbaycanın atəşkəs elan etməsi üçün Ermənistanın işğal etdiyi torpaqlardan geri çəkilməsi lazımdır”.

Nazir onu da qeyd edib ki, hazırda Azərbaycanın kifayət qədər hərbi gücü var və bu günədək Türkiyədən hərbi dəstək üçün heç bir istəyi olmayıb: “Amma Azərbaycan dəstək istəsə, biz tərəddüdsüz dəstək verməyə hazırıq. Azərbaycana dəstəyimizdə kimsənin Türkiyəni qınamağa haqqı yoxdur. Çünki hər zaman dediyimiz kimi, biz “Bir millət, iki dövlətik””.

Paylaş »
››› Putin Qarabağ haqqında danışdı
››› Azərbaycanlılar Paşinyana nə yazır... - Foto
››› Türkiyə ilə Yunanıstan arasında növbəti gərginlik
››› Ekspert: "Jirinovskinin Azərbaycan prezidentini girov götürmək sayıqlamasına diqqət edilməlidir"
››› Azərbaycan Ordusu düşmənin canlı qüvvəsi və hərbi texnikasını məhv etdi - Video
Son xəbərlər
Bütün xəbərlər »