Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Xalq orduya kömək etmək üçün əlindən gələni edir

“Burada polisi, əsgəri, zabiti, kəndlisi bir yerdədir. Hamı əlindən gələni edir. Biri döyüşür, biri yolu açır, biri əsgərə siqaret alır, biri bayraq tutur. Marketdə əsgərin, zabitin ödəniş etməsinə imkan vermirlər. Tələbata uyğun olaraq siqaret çox alınır. Bəzi marketlərdə az da olsa siqaret qıtlığı var. Amma deyirlər tezliklə o da gətiriləcək”. Bu məlumatı hazırda Füzuli şəhərində olan hərbi müxbir İlkin Muradov öz sosial şəbəkə hesabında paylaşıb.

Hərbi Müxbir Səxavət Məmməd isə Tərtərdən məlumat verir:

Təxminən saat 14:00-dan sonra Tərtəri ən çox vuran atış məntəqələri tam susduruldu. Bir müddət ümumiyyətlə Tərtərə mərmi ata bilmədilər. Bu arada artilleriyamız Madagizi, Ağdərənin sağı Qlobusu, solunu, qəsəbənin özünü, arxa istiqamətini loru dildə desək, şumladılar. Bu gün də bir neçə yüksəklik düşməndən təmizləndi. Çox önəmli işlər görüldü, bunu ermənilər də rəsmən açıqladı. Ermənistana gedən meyitlərin, yaralıların sayı təsəvvürünüzə gəldiyindən də çoxdur, hələ texnikalarını demirəm.

Hazırda şəkildə gördüyünüz minanı isə ermənilər atıb. Asfalt yola san cılan bomba partlamayıb.

Paylaş »
Son xəbərlər
Bütün xəbərlər »