Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Türkiyə jurnalisti: "Azərbaycanın qələbəsi yaxındır"

“Ermənilərin Azərbaycana qarşı təxribat törədərək alovlandırdığı vəziyyəti "müharibə başladı" deyə təqdim etməməliyik”.

Bunu "Report"un yerli bürosuna açıqlamasında Türkiyənin “24 TV” telekanalının aparıcısı, “Star” qəzetinin köşə yazarı, Dağlıq Qarabağ münaqişəsinin başladığı illərdə Azərbaycana gedən ilk türk jurnalist Ardan Zentürk deyib.

“Baxıram ki, bir çox xəbər saytları “Ermənistan-Azərbaycan arasında müharibə başladı” yazırlar. Bütün dünya mediasına səslənirəm ki, baş verənlərin tarixi xronologiyasını dəqiq araşdırsınlar. Bu, yeni başlayan bir müharibə deyil. Əslində, biz Cənubi Qafqazda 1988-ci ildən başlayan müharibənin yeni mərhələsinə qədəm qoymuşuq. 1994-cü ildə Ermənistan-Azərbaycan Dağlıq Qarabağ münaqişəsinin nizamlanmasına vasitəçilik edən və ABŞ, Rusiya və Fransanın həmsədr ölkələr olduğu ATƏT-in Minsk qrupunun dövrəyə girməsilə atəşkəs elan olunmasına baxmayaraq, müharibə vəziyyəti davam edirdi. Ona görə də indiki situasiyanı "müharibə başladı" kimi təqdim etməklə Ermənistan və Rusiyanın çörəyinə yağ sürtürük”, - o qeyd edib.

A.Zentürk Azərbaycandan gələn xəbərləri həyəcanla izlədiyini və qələbənin yaxında olduğunu bildirib: “Çünki bu günlərdə Azərbaycan tarix yazır. Mən müstəqilliyini canı, qanı bahasına qazanan Azərabaycanın ən çətin günlərinin canlı şahidiyəm. Həmin illərdə Ağdamda idim, təəssüf ki, bu gün Ağdam Ermənistanın işğalı altındadır. Həmin vaxtlar Ermənistana dəstək üçün Dağlıq Qarabağa gələn muzdluların əllərində sadəcə Rusiya deyil, ABŞ və Fransanın da silahları olduğunu görmüş və bunu sübütlarla mediaya təqdim etmişdim".

O vurğulayıb ki, bu gün Türkiyənin Azərbaycana dəstəyi tarixi əhəmiyyət daşıyır: "Bundan narahat olan Rusiya bölgədə qarşıdurmaların dayandırılmasını istəyir. Ancaq baş verənlər hər şeyi çılpaqlığı ilə ortaya qoymaqdadır. Azərbaycan üçün böyük qələbə çox yaxındadır. İndiki vaxtda Türkiyənin Azərbaycan sonsuz dəstəyi əslində düşmənə ən böyük zərbə oldu. Türkiyə və Azərbaycan “Bir millət, iki dövlət” olaraq zəfərə doğru gedir. Sadəcə türk kimliyi ilə iki qardaş ölkə bu gün çiyin-çiyinədir və düşünürəm ki, ən qısa zamanda biz bu müharibəni ən doğru şəkildə başa çatdıracağıq. Azərbaycanda olan hər bir türk qədər bizlər də həyacan içindəyik. Mən Azərbaycanın səsi olmağa hazıram”.

Paylaş »
››› Gəncənin keçmiş icra başçısının nümayəndəsi: “Elmar Vəliyev heç nə bilmir, heç özünü tanımır...”
››› Qarabağda qızıldan milyardlar qazanan Rusiya şirkəti təşvişə düşüb
››› Ermənistan Müdafiə Nazirliyi: Azərbaycan qüvvələri erməni qüvvələrini 12 dəfə üstələyib
››› Rusiyanın Qarabağ münaqişəsinə müdaxilə etməyə heç bir əsası yoxdur...
››› Ərdoğanın maaşı nə qədər olacaq...
Son xəbərlər
Bütün xəbərlər »