Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Koronavirusdan ölməmək üçün D vitamini

Orqanizmdə D vitaminin kifayət səviyyədə olması koronavirusa yoluxma riskini və bu virus infeksiyasından ölüm hallarını xeyli azaldır.

Virtualaz.org xəbər verir ki, bu barədə elmi araşdırmanın nəticəsi PLOS ONE jurnalında dərc edilib.

Boston Universitetinin Tibb Məktəbinin mütəxəssisləri COVİD-19 virusuna yoluxmuş 200-dən çox pasiyentin qan nümunələrini analiz ediblər. Onların bir qismində D vitaminin qıtlığı mövcud olub. Araşdırma göstərib ki, D vitaminin səviyyəsi kifayət qədər olan pasiyentlərin xəstəliyi ağır keçirmə və ya ölüm riski xeyli aşağıdır, 51.5 faiz təşkil edir.

Bu, həmin mövzuda aparılan ilk araşdırma deyil. Araşdırmanın rəhbəri doktor Maykl Holik daha əvvəl aşkarlamışdı ki, D vitaminin qıtlığının olmaması koronavirusdan ölüm riskini 54 faiz azaldır.

Rusiya həkimlərinin isə bu araşdırmaya dair mövqeləri birmənalı deyil. COVİD-19 əleyhinə dünyada ilk peyvənd elan edilən “Sputnik V”ni hazırlayan mərkəz-Qamaley adına epidemiologiya və mikrobiologiya İnstitutunun baş elmi əməkdaşı Viktor Zuyev deyib ki, Böyük Britaniya alimləri də D vitamini qıtlığı olanların koronavirusdan ölüm riskinin artdığı barədə araşdırmalar aparıblar. Lakin onun fikrincə, təkcə bir maddədə ilişib qalmaq düzgün deyil.

“Mən hesab edirəm ki, B, C və digər vitaminlər də çatışmasa eyni nəticə olacaq”,-o bildirib.

Digər rusiyalı həkim-virusoloq Anatoli Alşteyn də hesab edir ki, D vitaminin azlığı koronavirusdan ölüm riskini artıran yeganə səbəb deyil. “Dəqiqliklə bunu aydınlaşdıran olmayıb, amma belə nəzəriyyə var. Və bir çox adamlar profilaktik məqsədlə D vitamini qəbul edir. Kömək edir, ya yox, demək çətindir, amma ən azından bundan ziyan dəyməyəcək”,-o bildirib.

Paylaş »
››› ABŞ prezidentliyinə namizəd Baydendən Azərbaycana qarşı davakar açıqlama
››› Ermənilər indi də Krasnodar Erməni Respublikası qurmağa başlayıblar
››› Ter-Nakalyan: Ordumuz taqətdən düşüb, Azərbaycana gücümüz çatmayacaq
››› Ermənilər Qarabağa görə ABŞ-da yolu bağladı, sürücü düşüb 3 nəfəri bıçaqladı
››› Bayraktar yeni dronları sınaqdan keçirdi - Foto
Son xəbərlər
Bütün xəbərlər »