Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
“Yüksəliş” müsabiqəsi Azərkosmos ASC-nin sədrinin təqdimatında "Liderlik və özünüidarəetmə" mövzusunda vebinar təşkil edib

Sentyabrın 25-də “Yüksəliş” müsabiqəsinin İşçi Qrupu tərəfindən növbəti vebinar keçirilib. Vebinarda müsabiqənin İdarəçi Rəhbərlər heyətinin üzvü, Azərkosmos Açıq Səhmdar Cəmiyyətinin sədri Rəşad Nəbiyev "Liderlik və özünüidarəetmə" mövzusunda təqdimatla çıxış edib.

Rəşad Nəbiyev

Azərkosmos ASC-nin sədri vebinar iştirakçılarına liderliyə xas bacarıqların, peşəkarlığa doğru gedilən yolda gələcək idarəçilərin mütəxəssis kimi yetişməyində xarakterin, özünüidarəetmə xüsusiyyətlərinin formalaşdırılmasından danışıb. O bildirib ki, idarəçinin özünü tanımağı, analiz etmək qabiliyyəti onun uğurlu idarə metodikasına əsas təsiredici amillərdəndir. Rəşad Nəbiyev, həmçinin “ən peşəkar hesab etdiyimiz idarəçilərin də özlərindən yaşlı, çalışdığı işdə özündən təcrübəli mentorlara ehtiyacı var”, - deyə vurğulayıb. O, həm də bildirib ki, müasir dövrdə texnoloji yenilikləri sürətli mənimsəyən, emosional intellektə malik, bunu işində peşəkarlıqla tətbiq edən işçilərin də komandaya cəlb edilməsi, bu insanların dürüst dəyərləndirilməsi uğurlu idarəçi üçün vacib keyfiyyətlərdir.

Vebinar iştirakçılarla qarşılıqlı müzakirə formatında aparılıb, dinləyicilərin sualları cavablandırılıb.

Qeyd edək ki, müsabiqənin İşçi Qrupu davamlı olaraq idarəçi rəhbərlərin təqdimatında vebinarların təşkilini nəzərdə tutur.

“Yüksəliş” müsabiqəsi cənab Prezident İlham Əliyevin 26 iyul 2019-cu il tarixli Sərəncamı ilə intellektual səviyyəsi və idarəçilik keyfiyyətləri yüksək olan perspektivli rəhbər şəxslərin müəyyən edilməsini, dəstəklənməsini və ölkədə kadr ehtiyatı bankının yaradılmasını təmin etmək məqsədilə təsis olunub.

Paylaş »
››› Ağdamın mina xəritəsinin yanlış çıxması ilə bağlı məlumata aydınlıq gətirilib
››› Cavuşoğlu: “Şuşada Azərbaycanla bərabər Türkiyə bayrağı da dalğalanacaq”
››› Bu gün Ermənistanda seçki keçirlir: Məğlub ölkə yeni böhran qarşısında...
››› Aram Qabrelyanov Koçaryanın qalib gəldiyini açıqladı
››› Ermənistanda növbədənkənar parlament seçkiləri başa çatdı
››› Azərbaycanda son sutkada koronavirusa yoluxanların sayı açıqlandı
››› İyunun 21-nə olan hava proqnozu
Son xəbərlər
Bütün xəbərlər »